নিউজ ডেস্ক, 27 জুন: জিঅ’ নেটৱৰ্ক ব্যৱহাৰকাৰীসকলৰ বাবে দুখৰ খবৰ ৷ এতিয়াৰে পৰা জিঅ’ৰ ৰিচাৰ্জ কৰিবলৈ আপুনি ভৰিব লাগিব অতিৰিক্ত ধন ৷ কিয়নো টেলিকম কোম্পানীটোৱে ইয়াৰ প্লেনসমূহৰ দাম বৃদ্ধি কৰিছে ৷ অহা 3 জুলাইৰ পৰা কাৰ্যকৰী হ’ব এই নিৰিখ ৷
প্ৰিপেইড প্লেনত উল্লেখযোগ্য মূল্যবৃদ্ধি দেখা গৈছে
নতুন নিৰিখৰ তালিকাখনে জনপ্ৰিয় প্ৰিপেইড প্লেনৰ ব্যয় যথেষ্ট বৃদ্ধিৰ ইংগিত দিয়ে । পূৰ্বে ২৮ দিনৰ ভিতৰত ২ জিবি ডাটাৰ বাবে ১৫৫ টকা মূল্যৰ এন্ট্ৰি লেভেল মাহিলী প্লেনৰ মূল্য এতিয়া ১৮৯ টকা হ’বগৈ । একেদৰে প্ৰতিদিনে ১ জিবি প্লেন বাছি লোৱা ব্যৱহাৰকাৰীসকলে ২০৯ টকাৰ পৰিৱৰ্তে ২৪৯ টকা ব্যয় কৰিব লাগিব ৷ প্ৰতিদিনে ১.৫ জিবি প্লেনৰ মূল্য ২৩৯ টকাৰ পৰা ২৯৯ টকালৈ বৃদ্ধি পাইছে আৰু প্ৰতিদিনে ২ জিবি প্লেনৰ মূল্য এতিয়া ২৯৯ টকাৰ পৰা বৃদ্ধি পাই ৩৪৯ টকা হৈছে ।
অধিক ডাটাৰ প্ৰয়োজনীয়তা থকা ব্যৱহাৰকাৰীৰ বাবে প্ৰতিদিনে ২.৫ জিবি প্লেন ৩৪৯ টকাৰ পৰা ৩৯৯ টকালৈ বৃদ্ধি পাব, আৰু প্ৰতিদিনে ৩ জিবি প্লেন ৩৯৯ টকাৰ পৰা ৪৪৯ টকালৈ বৃদ্ধি পাব । এই পৰিৱৰ্তনে বেছি ডাটা ব্যৱহাৰকাৰীৰ বাবে মাহিলী খৰচ যথেষ্ট বৃদ্ধিৰ সূচনা কৰে ৷
দীৰ্ঘ সময়ৰ প্লেনসমূহতো প্ৰভাৱ পৰিব
জিঅ’ৰ দুমহীয়া প্লেনৰো মূল্য বৃদ্ধি পাব । প্ৰতিদিনে ১.৫ জিবি প্লেনৰ মূল্য ৪৭৯ টকাৰ পৰা এতিয়া ৫৭৯ টকা হ’ব । প্ৰতিদিনে ২ জিবি প্লেন ৫৩৩ টকাৰ পৰা ৬২৯ টকালৈ বৃদ্ধি পাইছে । ইয়াৰ উপৰিও তিনি মাহৰ ৬ জিবি ডাটা প্লেনৰ মূল্য এতিয়া ৪৭৯ টকা, পূৰ্বৰ ৩৯৫ টকাৰ এয়া তুলনাত যথেষ্ট বৃদ্ধি ।
যিসকলে দীঘলীয়া প্লেন পছন্দ কৰে তেওঁলোকৰ বাবে তিনিমাহৰ প্ৰতিদিনে ১.৫ জিবি প্লেনৰ মূল্য ৬৬৬ টকাৰ পৰা ৭৯৯ টকালৈ, প্ৰতিদিনে ২ জিবি প্লেনৰ মূল্য ৭১৯ টকাৰ পৰা ৮৫৯ টকালৈ, আৰু প্ৰতিদিনে ৩ জিবি প্লেনৰ মূল্য ৯৯৯ টকাৰ পৰা ১১৯৯ টকালৈ বৃদ্ধি পাব ।
বাৰ্ষিক প্লেন আৰু ডাটা এড-অন
বাৰ্ষিক প্লেনত কিছুমান আটাইতকৈ বেছি বৃদ্ধি দেখা গৈছে । ১৫৫৯ টকাৰ মূল্যৰ ৩৩৬ দিনৰ ভিতৰত ২৪ জিবি ডাটা প্লেনৰ বাবে এতিয়া ব্যৱহাৰকাৰীয়ে ১৮৯৯ টকা ব্যয় কৰিব লাগিব । ৩৬৫ দিনৰ বাবে প্ৰতিদিনে ২.৫ জিবি প্লেন ব্যৱহাৰ কৰা সকলে ২৯৯৯ টকাৰ পৰিৱৰ্তে এতিয়া ৩৫৯৯ টকা ব্যয় কৰিব লাগিব ।
ডাটা এড-অনসমূহো প্ৰভাৱিত হৈছে যদিও ইয়াৰ মূল্যবৃদ্ধি তুলনামূলকভাৱে সামান্য । ১ জিবি এড-অনৰ মূল্য ১৫ টকাৰ পৰা ১৯ টকালৈ বৃদ্ধি, আৰু ২ জিবি এড-অন ২৫ টকাৰ পৰা ২৯ টকালৈ বৃদ্ধি পাব । ৬ জিবি এড-অনৰ মূল্য ৬১ টকাৰ পৰা ৬৯ টকালৈ বৃদ্ধি পাব ।
পোষ্টপেইড প্লেনৰ ক্ষেত্ৰতো মূল্যবৃদ্ধি
পোষ্টপেইড ব্যৱহাৰকাৰীসকলেও অধিক মূল্য ব্যয় কৰিব লাগিব । পূৰ্বে প্ৰতিটো বিলিং চক্ৰৰ মূল্য ২৯৯ টকাৰ ৩০ জিবি প্লেন এতিয়া ৩৪৯ টকা হ’ব । ৭৫ জিবি প্লেন ৩৯৯ টকাৰ পৰা ৪৪৯ টকালৈ বৃদ্ধি পাব ।
সীমাহীন ৫ জি ডাটা প্লেনৰ মূল্যবৃদ্ধি
জিঅ’ই নিজৰ সীমাহীন ৫ জি সেৱা ব্যৱহাৰৰ বাবেও প্ৰৱেশৰ বাধা বৃদ্ধি কৰিছে । পূৰ্বে ২৩৯ টকাত ৫ জি সেৱা লাভ কৰিছিল যদিও এতিয়া নতুন শুল্ক অনুসৰি ৩৪৯ টকাৰ পৰা আৰম্ভ হোৱা সকলো ২জিবি প্ৰতিদিন আৰু তাৰ ওপৰৰ প্লেনতহে আনলিমিটেড ৫জি ডাটা উপলব্ধ হ’ব ।
লগতে পঢ়ক: চলিত বৰ্ষতেই দেশ এৰিব ৪,৩০০ গৰাকী কোটিপতিয়ে - Millionaires
লগতে পঢ়ক: ভাৰতৰ বৈদেশিক মুদ্ৰা ভাণ্ডাৰৰ সৰ্বকালৰ উচ্চ স্তৰ স্পৰ্শ - Indias Foreign Exchange Reserves
লগতে পঢ়ক: সোণ-ৰূপৰ মূল্য হ্ৰাস : আপোনাৰ চহৰত বৰ্তমান মূল্য কিমান ? - Gold price in India
