‘‘অসত্যৰ জয় হ’বই, অন্যায়ৰ জয় হোৱাটো নিশ্চিত’’- কিয় ক’লে মুখ্যমন্ত্ৰী আতিশীয়ে ?

Delhi CM speech viral: দিল্লীত দশেৰা উপলক্ষে প্ৰতীকী ৰাৱণ দাহ মুখ্য়মন্ত্ৰী আতিশীৰ ৷ তাৰ পিচতেই আতিশীয়ে ভাষণত কৰা এক মন্তব্য ভাইৰেল হৈ পৰিছে ৷

নিউজ ডেস্ক, 13 অক্টোবৰ: ৰাজনৈতিক নেতাৰ বক্তব্যই বিভিন্ন সময়ত সংবাদ মাধ্যমৰ লগতে সামাজিক মাধ্যমতো খলকনিৰ সৃষ্টি কৰি আহিছে ৷ সেয়া লাগিলে কাৰোবাক উদ্দেশ্যি কৰা মন্তব্যই হওক বা তীব্ৰ প্ৰৰোচনাত্মক মন্তব্যই হওক, নিমিষতে ভাইৰেল হৈ পৰে বহু নেতাৰ বিভিন্ন মন্তব্য ৷ এইবাৰ চৰ্চালৈ আহিছে দিল্লীৰ নৱনিযুক্ত মুখ্যমন্ত্ৰী আতিশী মাৰ্লেনাৰ এক মন্তব্য ৷ ভাষণৰ মাজতে আতিশীয়ে এনে এক উক্তি প্ৰকাশ কৰিলে যিয়ে সাধাৰণ ৰাইজৰ চকু কপালত তোলাৰ লগতে সামাজিক মাধ্যমত ব্যাপক ৰূপত ভাইৰেল হৈছে এই ভিডিঅ’ ৷

দেশৰ ৰাজধানী নগৰীত আয়োজিত দশেৰাৰ এক অনুষ্ঠানত দেওবাৰে উপস্থিত হয় মুখ্যমন্ত্ৰী আতিশী ৷ ইন্দ্ৰপ্ৰস্থ ৰামলীলা সমিতিয়ে আয়োজন কৰা এই অনুষ্ঠানত উপস্থিত হৈ আতিশীয়ে কাঁড় মাৰি ৰাৱণৰ পুত্তলিকা দাহ কৰে ৷ তাৰ পিচতেই উপস্থিত ৰাইজক সম্বোধন কৰি ভাষণ প্ৰদান কৰে আতিশীয়ে ৷ কিন্তু ভাষণৰ মাজতেই আতিশীয়ে উল্লেখ কৰা এক বক্তব্যই সকলোকে আচৰিত কৰি তোলে ৷

असत्य की जीत होकर रहेगी,
अन्याय की जीत होकर रहेगी !!

- दिल्ली की मुख्यमंत्री आतिशी मार्लेना

ऐसे अधर्मी दिल्ली के मालिक हैं 🤦‍♂️ pic.twitter.com/R50eWqbdTH

— BJP Delhi (@BJP4Delhi) October 12, 2024

আতিশীয়ে ভাষণত কি ক’লে ?

দশেৰা অনুষ্ঠানত ভাষণ প্ৰদান কৰি আতিশীয়ে কয় যে ৰাৱণ দাহৰ এই পৰম্পৰাই আমাক সোঁৱৰাই দিয়ে যে অসত্য যিমানেই শক্তিশালী নহওক কিয় জয় সদায় শুদ্ধ পথত থকা জনৰে হয় ৷ ভগৱান ৰামচন্দ্ৰই আমাক শিকাই গৈছে যে সত্য আৰু মৰ্যাদাৰ পথৰ পৰা কেতিয়াও বিচলিত হ’ব নালাগে ৷ কেতিয়াও ভুল আৰু অসত্য পথেৰে চলিব নালাগে ৷ এইখিনিলৈকে সকলো ঠিকেই আছিল ৷ তাৰ পিচতেই আতিশীয়ে যি কথা ক’লে সেয়া শুনি ৰাইজেও ভাবিবলৈ ধৰিলে, মুখ্যমন্ত্ৰীয়ে কি ক’লে ?

आज विजयादशमी है; और पूरा देश असत्य व अन्याय पर सत्य एवं न्याय की जीत का उत्सव मना रहा है।

एक तरफ़ तो पूरी दिल्ली पहले से ही AAP के विधर्मी और भ्रष्टाचारी चरित्र से परिचित है और दूसरी तरफ खड़ाऊँ मुख्यमंत्री आतिशी मार्लेना@AtishiAAP
का यह कहना “असत्य की जीत होकर रहेगी और अन्याय… pic.twitter.com/NWnyjeCpD5

— Virendraa Sachdeva (@Virend_Sachdeva) October 12, 2024

জিভা পিচল খালে...

ভাষণ প্ৰসংগত মুখ্যমন্ত্ৰী আতিশীয়ে কয়, ‘‘অসত্যৰ জয় হ’বই, অন্যায়ৰ জয় হোৱাটো নিশ্চিত’’ ৷ লগে লগেই সভাস্থলীত থকা লোকৰ মাজত গুঞ্জন উঠে প্ৰতিক্ৰিয়াৰ ৷ অৱশ্যে আতিশীয়ে জিভা পিচল খাই কথাষাৰ য়ে ভুলকৈ উপস্থাপন কৰিলেও বৰ্তমানলৈকে এই সন্দৰ্ভত তেওঁ কোনো প্ৰতিক্ৰিয়া প্ৰকাশ কৰা নাই ৷

सच वो जो सर चढ़ कर बोले

यह लीजिए Marxist Leninwadi
सुश्री @AtishiAAP के असल विचार सुनिये

असत्य की जीत होकर रहेगी अन्याय की जीत होकर रहेगी - @CMODelhi@AamAadmiParty हिन्दुओं की भावनाओं से खिलवाड़ के लिए अविलंब माफी मांगो#अधर्मीAAP@Virend_Sachdeva @BJP4Delhi@ANI @PTI_News… pic.twitter.com/pAUw62wwW0

— Praveen Shankar Kapoor (@praveenskapoor) October 12, 2024

ভিডিঅ’টো শ্বেয়াৰ কৰি ঠাট্টা-মস্কৰা বিজেপিৰ: দিল্লী বিজেপিৰ মিডিয়া বিভাগৰ মুৰব্বী প্ৰবীণ শংকৰ কাপুৰে ছ’চিয়েল মিডিয়াত আতিশীৰ এই বক্তব্য সন্দৰ্ভত নিজৰ প্ৰতিক্ৰিয়া প্ৰকাশ কৰি কয় যে তেওঁ মূৰ জোকাৰি সঁচা কথা কৈছে । এইবোৰ আতিশীৰ আচল চিন্তা । আজি দিল্লীৰ ক্ষমতা এনে অধাৰ্মিক লোকৰ হাতত, যাৰ চিন্তাধাৰাত মিছা আৰু অন্যায়ৰ বিজয় নিহিত হৈ আছে । হিন্দুৰ আৱেগৰ সৈতে খেলা-ধূলা কৰাৰ বাবে আম আদমী পাৰ্টিক ক্ষমা খোজাৰো তেওঁ দাবী জনায় । বিজেপিৰ আন আন নেতাসকলেও ছ’চিয়েল মিডিয়াত ভিডিঅ’টো পোষ্ট কৰিছে ৷

লগতে পঢ়ক: বুলেট প্ৰুফ বাহন, Y পৰ্যায়ৰ নিৰাপত্তায়ো ৰক্ষা কৰিব নোৱাৰিলে বাবা ছিদ্দিকক; তদন্তত নামিব এনকাউণ্টাৰ স্পেচিলিষ্ট দয়া নায়ক