গুৱাহাটী, ১৯ আগষ্ট: মণিপুৰৰ ভূখণ্ডৰ পৰা কোনো চীন (Chin) ৰাজ্যৰ সৃষ্টি নহ'ব আৰু মণিপুৰ ৰাজ্যৰ আঞ্চলিক অখণ্ডতা অক্ষুণ্ণ থাকিব বুলি নিশ্চিত কৰি সেই সন্দৰ্ভত প্ৰধানমন্ত্ৰী নৰেন্দ্ৰ মোদীক আনুষ্ঠানিকভাৱে এটা বিবৃতি জাৰি কৰাৰ বাবে মণিপুৰ প্ৰদেশ কংগ্ৰেছ কমিটীৰ সভাপতি কে মেঘাচন্দ্ৰই দাবী কৰে । সোমবাৰে গুৱাহাটীৰ ৰাজীৱ ভৱনত এক সাংবাদিক মেলত সম্বোধন কৰি কে মেঘাচন্দ্ৰই কয়," যেতিয়া মণিপুৰ ইতিমধ্যে যোৱা ১৪ মাহ ধৰি জ্বলি আছে,'মণিপুৰৰ চীন (Chin) ৰাজ্য'ৰ দৰে শব্দবোৰে কেৱল জুইত ইন্ধন যোগাব । প্ৰধানমন্ত্ৰী আৰু তেওঁৰ কেন্দ্ৰীয় ড'নাৰ মন্ত্ৰীয়ে ৰাজ্যখনত চলি থকা অস্থিৰতা আৰু অধিক বৃদ্ধি কৰাটো বন্ধ কৰিব লাগিব ।"
তেওঁ কয়," মণিপুৰৰ জনসাধাৰণে প্ৰশ্ন কৰিব বিচাৰে যে খচৰাত 'মণিপুৰৰ চীন (Chin) ৰাজ্য' শব্দটো ব্যৱহাৰ কৰাটো মোদী চৰকাৰ আৰু মণিপুৰৰ মুখ্যমন্ত্ৰী বীৰেন সিং নেতৃত্বাধীন ৰাজ্য চৰকাৰৰ দ্বাৰা ৰাজ্যখনত শান্তি আৰু স্বাভাৱিক অৱস্থা অনাৰ এক প্ৰচেষ্টা নেকি, যি মণিপুৰ এবছৰতকৈও অধিক সময় ধৰি অস্থিৰতাত আছে।"
উত্তৰ-পূব পৰিষদ (এন ই চি) ৰ দ্বাৰা নৰ্থ ইষ্ট ভিজন প্লেন 2047 নথিপত্ৰৰ খচৰাত "মণিপুৰৰ চীন ৰাজ্য' শব্দটো কোনে অন্তৰ্ভুক্ত কৰিছিল বুলি উল্লেখ কৰি তেওঁ কেন্দ্ৰীয় ড'নাৰ মন্ত্ৰীগৰাকীক প্ৰশ্ন কৰে । তেওঁ লগতে কয়,"এয়া মণিপুৰৰ জনসাধাৰণৰ বাবে এক গুৰুতৰ চিন্তাৰ বিষয় । সেয়েহে, প্ৰধানমন্ত্ৰীয়ে উত্তৰ দিবলৈ কেতবোৰ প্ৰশ্নবোৰ উত্থাপন কৰা হৈছে ।"
তেওঁ কয়," বিজেপি চৰকাৰে এন ই চিৰ খচৰা নথিত মণিপুৰত চিন ৰাজ্য গঠনৰ গোপন পৰিকল্পনা আৰু প্ৰস্তাৱিত প্ৰস্তাৱটো বৰ্তমানৰ মণিপুৰ ৰাজ্যক টুকুৰা-টুকুৰা কৰাৰ এক গোপন পৰিকল্পনা নেকি ?" তেওঁ কয়,"প্ৰধানমন্ত্ৰীয়ে কেনেকৈ নীৰৱ হৈ থাকিব পাৰে যেতিয়া তেওঁৰ নিজৰ ড'নাৰ মন্ত্ৰালয়ে ভাৰতৰ বৰ্তমানৰ মণিপুৰ ৰাজ্যৰ পৰা অস্তিত্বহীন চীন ৰাজ্য গঠনৰ প্ৰস্তাৱৰ খচৰা প্ৰস্তুত কৰিছে ?"
