নেশ্যনেল ডেস্ক, 17 আগষ্ট: শুকুৰবাৰৰ মাজনিশা পুনৰ লাইনচ্যুত হ’ল এখন চলন্ত ৰে’ল ৷ সাবৰমতী এক্সপ্ৰেছ ৰে’লৰ চালকজনে জনোৱা অনুসৰি ৰে’লৰ ইঞ্জিনটোৱে এটা শিলত খুন্দা মাৰিছিল । ইয়াৰ পিছতে ইটোৰ পিছত সিটোকৈ 22 টাকৈ দবা ৰে’লপথৰ পৰা ওলাই যায় ।
দুৰ্ঘটনা বা ষড়যন্ত্ৰক লৈ প্ৰশ্ন উত্থাপন কৰাৰ ভিত্তি কি ?
The engine of Sabarmati Express (Varanasi to Amdavad) hit an object placed on the track and derailed near Kanpur at 02:35 am today.
— Ashwini Vaishnaw (@AshwiniVaishnaw) August 17, 2024
Sharp hit marks are observed. Evidence is protected. IB and UP police are also working on it.
No injuries to passengers or staff. Train arranged…
চালকে জনাইছে যে সাবৰমতী এক্সপ্ৰেছৰ দবা ৰে’লপথৰ পৰা ওলোৱাৰ পূৰ্বে ইঞ্জিনটোৰ কিবা এটাৰ সৈতে সংঘৰ্ষ হৈছিল । ৰে’লপথত ডাঙৰ শিল কেনেকৈ আহিল ? ৰে’লখনত যাত্ৰা কৰা যাত্ৰীসকলেও এই সংঘৰ্ষৰ কথা কৈছে । ৰে’ল মন্ত্ৰী অশ্বিনী বৈষ্ণৱে ছ’চিয়েল মিডিয়াত উল্লেখ কৰিছে ইঞ্জিনটোৰ সৈতে খুন্দা মৰাৰ কথা । দুৰ্ঘটনাটোৰ তদন্তৰ ভাৰ অৰ্পণ কৰা হৈছে চোৰাংচোৱা সংস্থা আৰু উত্তৰ প্ৰদেশ আৰক্ষীক । 400 মিটাৰ ৰে’লপথৰ ক্ষতি হোৱাটোৱেও ষড়যন্ত্ৰৰ দিশলৈ আঙুলিয়াই দিয়ে ।
বিষয়াসকলে চলোৱা প্ৰাথমিক তদন্ত অনুসৰি ৰে’লপথত ৰখা শিলটো অতি গধুৰ আছিল । বিষয়াসকলৰ মতে, "এই শিলৰ সৈতে খুন্দা মৰাৰ পিছত ইঞ্জিনৰ সমুখ অংশ ভাঙি গৈছিল ৷ সেয়ে এই দুৰ্ঘটনা যে ষড়যন্ত্ৰৰ অংশ হ’ব পাৰে সেয়া নুই কৰিব নোৱাৰি । আশ্চৰ্যজনক বিষয় যে কিছুসময় পূৰ্বে সেই ট্ৰেকেৰে এখন ৰে’ল স্বাভাৱিকভাৱে পাৰ হৈ গৈছিল । সেয়ে ৰে’লৱে কৰ্মীসকলেও স্বাভাৱিকভাৱেই আছিল আৰু ঠিক এঘণ্টাৰ পিছত একেটা ট্ৰেকতে সাবৰমতী এক্সপ্ৰেছ এই পৰিস্থিতিৰ সন্মুখীন হ’ব বুলি আশা কৰা নাছিল । সেয়ে ৰে’লআলিত শিল কেনেকৈ আহিল বুলি সকলোৰে মনত প্ৰশ্ন উত্থাপন হৈছে ৷"
साबरमती एक्सप्रेस के कानपुर के निकट अवपथन के कारण कुछ गाड़ियों का मार्ग परिवर्तन या निरस्तीकरण किया गया है। pic.twitter.com/I3bO5jWmkU
— North Central Railway (@CPRONCR) August 17, 2024
400 মিটাৰ পৰ্যন্ত ৰে’লপথ ক্ষতিগ্ৰস্ত: সাবৰমতী এক্সপ্ৰেছৰ 400 মিটাৰ পৰ্যন্ত ট্ৰেক ক্ষতিগ্ৰস্ত হৈছে । ইমান দীঘলীয়া দূৰত্ব পৰ্যন্ত ৰে’লপথটো ক্ষতিগ্ৰস্ত হোৱা দিশলৈ লক্ষ্য ৰাখি ৰে’লৱেৰ শীৰ্ষ বিষয়াসকলে ষড়যন্ত্ৰৰ দৃষ্টিকোণেৰেও সমগ্ৰ ঘটনাটোৰ তদন্ত আৰম্ভ কৰিছে । ৰে’লৱেৰ বিষয়াসকলৰ মতে, ট্ৰেকত ৰখা শিলটো ৰে’লপথৰ পৰা উফৰি যোৱা নাছিল ।
ৰে’ল মন্ত্ৰীৰ টুইট: ৰে’ল মন্ত্ৰীয়ে এই ঘটনা সন্দৰ্ভত কয়, "আজি পুৱা 2.35 বজাত কাণপুৰৰ সমীপত সাবৰমতী এক্সপ্ৰেছ (বাৰানসীৰ পৰা আহমেদাবাদলৈ)ৰ ইঞ্জিনত কিবা এটাই খুন্দা মাৰে । ইয়াৰ পিছতে এটাৰ পাচত এটা দবা ৰে’লপথৰ পৰা ওলাই যায় । ৰে’লখনৰ 16 নং দবাটোৰ সমীপত কিছু চিন পোৱা গৈছে । প্ৰাথমিক তদন্ত অনুসৰি ৰে’লপথত কোনো ধৰণৰ ভাঙোন হোৱা নাই । দুৰ্ঘটনাৰ প্ৰমাণ সুৰক্ষিত কৰা হৈছে । আই বি আৰু ইউ পি আৰক্ষীও এই গোচৰৰ তদন্তত ব্যস্ত ।"
ভীমসেন আৰু গোবিন্দপুৰী ষ্টেচনৰ মাজত সংঘটিত দুৰ্ঘটনা: কাণপুৰৰ ভীমসেন আৰু গোবিন্দপুৰী ষ্টেচনৰ সমীপত সংঘটিত হৈছে এই দুৰ্ঘটনাটো । বাৰাণসীৰ পৰা সাবৰমতী অভিমুখে গৈ আছিল ৰে’লখন । দুৰ্ঘটনাটোৰ তথ্য পোৱাৰ লগে লগে ৰে’ল বিভাগৰ বিষয়া, কাণপুৰ আৰক্ষী আৰু ৰে’ল আৰক্ষীয়ে গভীৰ নিশা সেই স্থানত উপস্থিত হয় ।
এই দুৰ্ঘটনাৰ পাচতে 16 খন ৰে’ল বাতিল কৰা হৈছে । লগতে 10 দিনতকৈ অধিক সময়ৰ বাবে ৰে’লৰ গতিপথ সলনি কৰা হৈছে ৷
