নিউজ ডেস্ক, ৩ জুলাই : ভাৰতৰ প্ৰথম সৌৰ অভিযান আদিত্য এল ১ মহাকাশযানে মঙলবাৰে সূৰ্য-পৃথিৱী এল ১ বিন্দুৰ চাৰিওফালে ইয়াৰ প্ৰথম হেলো কক্ষপথ সম্পূৰ্ণ কৰে । ভাৰতীয় মহাকাশ গৱেষণা সংস্থাই (ইছৰ’) এক বিবৃতিত এই কথা প্ৰকাশ কৰিছে । আদিত্য এল 1 মিছন হৈছে লাগ্ৰাঞ্জিয়ান পইণ্ট এল 1-ত এটা ভাৰতীয় সৌৰ পৰ্যবেক্ষণালয় ৷ যাক যোৱা বছৰ 2 ছেপ্টেম্বৰত উৎক্ষেপণ কৰা হৈছিল আৰু 6 জানুৱাৰীত ইয়াৰ লক্ষ্য নিৰ্ধাৰিত হেলো কক্ষপথত অন্তৰ্ভুক্ত কৰা হৈছিল ।
হেলো কক্ষপথত আদিত্য-এল1 মহাকাশযানে এল 1 বিন্দুৰ চাৰিওফালে ঘূৰ্ণন সম্পূৰ্ণ কৰিবলৈ 178 দিন সময় লয় । হেলো কক্ষপথত ভ্ৰমণৰ সময়ত মহাকাশযানখন বিভিন্ন শক্তিৰ অধীনত থাকিব ৷ যাৰ ফলত ই লক্ষ্য নিৰ্ধাৰণ কৰা কক্ষপথৰ পৰা প্ৰস্থান কৰিব । ইছৰোৰ সূত্ৰত প্ৰকাশ পাইছে এই কথা । ইয়াৰ উপৰি এই কক্ষপথত বৰ্তী থকাৰ বাবে ক্ৰমান্বয়ে 22 ফেব্ৰুৱাৰী আৰু 7 জুনত দুটা ষ্টেচন-কিপিং কৌশল সম্পন্ন কৰা হৈছিল ।
"আজিৰ তৃতীয় ষ্টেচন-কিপিং কৌশলে নিশ্চিত কৰিছে যে ইয়াৰ ভ্ৰমণ এল 1-ৰ চাৰিওফালে দ্বিতীয় হেলো কক্ষপথলৈ অব্যাহত থাকিব । সূৰ্য-পৃথিৱী এল 1 লাগ্ৰাঞ্জিয়ান পইণ্টৰ চাৰিওফালে আদিত্য এল 1-ৰ এই যাত্ৰাত জটিল গতিশীলতাৰ মডেলিং অন্তৰ্ভুক্ত আছে"- বিবৃতিটোত লগতে কোৱা হৈছে ।
