নেশ্যনেল ডেস্ক,১৭ আগষ্ট : ঝাৰখণ্ডৰ হাজৰিবাগত এগৰাকী আৰক্ষীৰ হত্যাকাণ্ডক লৈ উত্তেজনা অব্যাহত আছে । তাৰ মাজতে ৰাজ্যখনত উপস্থিত হৈ অসমৰ মুখ্যমন্ত্ৰী ড৹ হিমন্ত বিশ্ব শৰ্মাই ঝাৰখণ্ড চৰকাৰক তীব্ৰ সমালোচনা কৰে । ঝাৰখণ্ড বিধানসভা নিৰ্বাচনৰ বাবে বিজেপিয়ে সহ-প্ৰভাৰীৰ দায়িত্বত দিয়া অসমৰ মুখ্যমন্ত্ৰীগৰাকীয়ে দেওঘৰ বিমানবন্দৰত উপস্থিত হৈ হেমন্ত ছোৰেন চৰকাৰক লক্ষ্য কৰি লয় ।
উল্লেখ্য যে যোৱা ১১ আগষ্টত হাজৰিবাগ চিকিৎসা মহাবিদ্যালয়ত চৌহান হেমব্ৰম নামৰ এগৰাকী আৰক্ষীক দুৰ্বৃত্তই হত্যা কৰিছিল । জানিব পৰা মতে হত্যাকাৰী পলাতক হৈ আছে । আৰক্ষীয়ে এতিয়ালৈ অভিযুক্তক গ্ৰেপ্তাৰ কৰিবলৈ সক্ষম হোৱা নাই ।
11 अगस्त की आधी रात को, गैंगरेप के आरोप में आजीवन कारावास की सजा काट रहे दोषी मोहम्मद शाहिद अंसारी ने आदिवासी पुलिस हवलदार श्री चौहान हेम्ब्रम की हत्या कर दी और हजारीबाग मेडिकल कॉलेज, झारखंड से फरार हो गया। पुलिस अभी तक आरोपी को पकड़ नहीं पाई है, और अब तक श्री हेम्ब्रम के पीड़ित… pic.twitter.com/48WSZSjz3w
— Himanta Biswa Sarma (@himantabiswa) August 17, 2024
ঝাৰখণ্ড চৰকাৰক সমালোচনা অসমৰ মুখ্যমন্ত্ৰীৰ :
ইফালে ঝাৰখণ্ডত উপস্থিত হৈ অসমৰ মুখ্যমন্ত্ৰীগৰাকীয়ে কয়, "মই আজি হাবিলদাৰ চৌহান হেমব্ৰমৰ পৰিয়ালৰ সদস্যসকলক সাক্ষাৎ কৰিবলৈ গিৰিদিহলৈ গৈ আছো । এই ঘটনাটো মৰ্মান্তিক আৰু ঝাৰখণ্ডত জনজাতীয় লোকসকল সুৰক্ষিত নহয় ।" ৰাজ্য চৰকাৰক আক্ৰমণ কৰি তেওঁ কয়, "ভুক্তভোগীৰ পৰিয়ালক চৰকাৰী পক্ষই সাক্ষাৎ কৰিবলৈ যোৱা নাই বা অপৰাধীক ধৰিবলৈ কাম কৰা নাই । চৰকাৰৰ এই মনোভাৱে দেখুৱাই যে ঝাৰখণ্ডৰ হেমন্ত চৰকাৰে তোষণৰ ৰাজনীতি কৰিবলৈ বাধ্য হৈছে ।"
অসমৰ মুখ্যমন্ত্ৰী তথা ঝাৰখণ্ডৰ বিজেপিৰ সহ-প্ৰভাৰী ড৹ হিমন্ত বিশ্ব শৰ্মাই কয় যে ঝাৰখণ্ড চৰকাৰে তোষণৰ ৰাজনীতি কৰি আছে । যদি চৰকাৰে জনজাতীয় লোকসকলক লৈ চিন্তিত আৰু তেওঁলোকৰ স্বাৰ্থত কাম কৰিলেহেঁতেন তেনেহ'লে অপৰাধী আজি আৰক্ষীৰ হাতত থাকিলহেঁতেন বুলিও তেওঁ দাবী কৰে । তেওঁৰ মতে চৰকাৰে কেৱল লাভালাভৰ প্ৰতি লক্ষ্য ৰাখি ৰাজনীতি কৰি আছে, যাৰ বাবে ঘটনাৰ অভিযুক্ত এতিয়াও পলাতক হৈয়ে আছে ।
মৃত আৰক্ষী জোৱানৰ পৰিয়ালক সাক্ষাৎ কৰিব :
তেওঁ লগতে কয় যে যেতিয়াই তেওঁ সন্তল পৰগণা ভ্ৰমণ কৰে আৰক্ষীয়ে তেওঁক যিকোনো ঠাইলৈ যোৱাত বাধা দিবলৈ চেষ্টা কৰে । তেওঁৰ মতে আজিও একেধৰণৰ প্ৰচেষ্টা কৰা হৈছে । তেওঁ অভিযোগ কৰা মতে গিৰিদিহ ভ্ৰমণৰ কথা গম পাই আৰক্ষীয়ে চৌহান হেমব্ৰমৰ পৰিয়ালৰ সদস্যক হাজৰিবাগলৈ লৈ গৈছে । জিলা প্ৰশাসনে আশংকা কৰিছে যে যদি বিজেপি নেতাসকলে ভুক্তভোগীৰ পৰিয়ালক সাক্ষাৎ কৰে তেন্তে বহুতো ত্ৰুটি থাকিব পাৰে । সেয়েহে তেওঁলোকৰ আগমনৰ পূৰ্বেই ভুক্তভোগী পৰিয়ালটোক নিযুক্তিৰ নামত হাজাৰিবাগলৈ লৈ গৈছে বুলি অসমৰ মুখ্যমন্ত্ৰীগৰাকীয়ে অভিযোগ কৰে ।
আৰক্ষী জোৱান চৌহান হেমব্ৰমক হত্যা :
অভিযোগ অনুসৰি চৌহান হেমব্ৰামক চিকিৎসালয়ত কৰ্তব্যৰত অৱস্থাত শ্বাহিদ আনছাৰী নামৰ এজন কয়েদীয়ে হত্যা কৰে আৰু ঘটনাস্থলীৰ পৰা পলায়ন কৰে । এই ঘটনা সন্দৰ্ভত কোৱা হয় যে ধনবাদৰ বাসিন্দা কুখ্যাত অপৰাধী শ্বাহিদ আনছাৰী কিছুদিন আগলৈ হাজৰিবাগ কাৰাগাৰত বন্দী হৈ আছিল । শেহতীয়াকৈ তেওঁৰ স্বাস্থ্যৰ অৱনতি ঘটিছিল আৰু চিকিৎসাৰ বাবে হাজাৰিবাগ চিকিৎসা মহাবিদ্যালয়ত ভৰ্তি কৰোৱা হৈছিল । অৱশ্যে চিকিৎসাৰ সময়ত শ্বাহিদ আনছাৰীয়ে কৰ্তব্যৰত হাবিলদাৰ চৌহান হেমব্ৰমক হত্যা কৰি চিকিৎসালয়ৰ পৰা পলায়ন কৰে ।
