নতুন দিল্লী : সমগ্ৰ দেশত বিমান ভ্ৰমণ অধিক সুগম কৰাৰ লক্ষ্যৰে কেন্দ্ৰৰ এক গুৰুত্বপূৰ্ণ পদক্ষেপ হিচাপে 'উড়ান' আঁচনি । আঞ্চলিক সংযোগ আঁচনি (Regional Connectivity Scheme, RCS) – উড়ানৰ (UDAN, Ude Desh Ka Aam Nagrik) কাৰ্যকাল কেন্দ্ৰই 10 বছৰৰ সম্প্ৰসাৰণৰ কথা ঘোষণা কৰিছে ।
অসামৰিক বিমান পৰিবহণ মন্ত্ৰী কে ৰামমোহন নাইডুৱে এই আঁচনিৰ অষ্টম বাৰ্ষিকী উদযাপনৰ সময়ত ভাৰতত বিমান ভ্ৰমণক গণতান্ত্ৰিক কৰাৰ ওপৰত ইয়াৰ বৈপ্লৱিক প্ৰভাৱৰ ওপৰত আলোকপাত কৰে ।
নাইডুৱে সোমবাৰে কয়, "আমি আজি এটা অনুষ্ঠান কৰিছোঁ, যিটো হৈছে উড়ান আঁচনিৰ সফলতাৰে আঠ বছৰ সম্পূৰ্ণ হোৱাৰ । ই অসামৰিক বিমান পৰিবহণৰ এক বৈপ্লৱিক আঁচনি আছিল আৰু প্ৰধানমন্ত্ৰী নৰেন্দ্ৰ মোদীৰ চিন্তা প্ৰসূত ফল । তেওঁ বিমান ভ্ৰমণক সকলোৰে বাবে সুগম কৰিব বিচাৰিছিল ।"
তেওঁ লগতে কয়, "আমি বিচাৰিছিলো যে দেশৰ অধিক লোকে বিমান ভ্ৰমণৰ সুবিধা লাভ কৰক । সমগ্ৰ দেশতে নতুন বিমানবন্দৰ নিৰ্মাণৰ পৰা আৰম্ভ কৰি আমি ধাপে ধাপে এক ৰণনীতি গ্ৰহণ কৰিছোঁ ।"
"ইয়াৰ ফলত নতুন বিমানবন্দৰ আৰু বিমান ভ্ৰমণৰ বাবে অধিক আন্তঃগাঁথনি বিকশিত কৰাৰ উপৰি বিমানবন্দৰসমূহ প্ৰায় দুগুণ হৈ পৰিছে । আমি ব্যৱহাৰযোগ্যতাৰ ব্যৱধান পুঁজিও প্ৰদান কৰিছোঁ, যাতে আমি কম সেৱা লাভ আৰু সেৱাবিহীন বিমানবন্দৰৰ বাবে নতুন পথ পৰিকল্পনা আৰম্ভ কৰিব পাৰোঁ । দেশৰ প্ৰান্তীয় অঞ্চলসমূহ, বিশেষকৈ উত্তৰ-পূব আৰু ভিতৰুৱা অঞ্চলসমূহৰ নিম্নতম বিমান সংযোগ থকা অঞ্চলসমূহে বিগত আঠ বছৰত উড়ান আঁচনিৰ পৰা সৰ্বাধিক লাভান্বিত হৈছে ।" নাইডুৱে কয় ।
Celebrating 8 transformative years of #UDAN – Ude Desh Ka Aam Nagrik! Under the visionary leadership of PM @narendramodi ji, RCS-UDAN has brought air travel within reach of millions. Today, with 601 routes, 86 new airports, and over 1.44 crore passengers flown, the dream of… pic.twitter.com/B89xuBqPTB
— Ram Mohan Naidu Kinjarapu (@RamMNK) October 21, 2024
"এই অঞ্চলৰ লোকসকল এতিয়া বিমান সেৱাৰ দ্বাৰা ভালদৰে সংযুক্ত হৈ আছে । কেৱল দেশৰ আন মুখ্য চহৰসমূহৰ সৈতেই নহয়, আন দেশৰ সৈতেও সংযুক্ত হৈছে । বিগত আঠ বছৰত ৬০১ টা উড়ান পথ স্থাপন কৰা হৈছে আৰু ১ কোটি ৪৪ লাখৰো অধিক যাত্ৰীয়ে এই উড়ান পথেৰে যাত্ৰা কৰিছে । আনহাতে, ইয়াৰ প্ৰতিষ্ঠাৰ পৰা ২.৪০ লাখতকৈও অধিক উড়ান বিমানে উৰা মাৰিছে ।" মন্ত্ৰীগৰাকীয়ে কয় ।
