নতুন দিল্লী : প্ৰাক্তন প্ৰধানমন্ত্ৰী মনমোহন সিঙৰ দেহাৱসান । বৃহস্পতিবাৰে নতুন দিল্লীৰ অল ইণ্ডিয়া ইনষ্টিটিউট অব মেডিকেল চায়েন্সেছ চমুকৈ এইমছত মৃত্যুবৰণ কৰে ভাৰতৰ অৰ্থনৈতিক সংস্কাৰৰ ৰূপকাৰজনৰ । ড৹ মনমোহন সিং ২০০৪ চনৰ পৰা ২০১৪ চনলৈ ভাৰতৰ প্ৰধানমন্ত্ৰীৰ আসন শুৱনি কৰিছিল মনমোহন সিঙে ।
আনহাতে, প্ৰায় ৩৩ বছৰ তেওঁ ৰাজ্যসভাৰ সদস্য আছিল । অসমৰ পৰা ৰাজ্যসভালৈ নিৰ্বাচিত হৈ তেওঁ প্ৰধানমন্ত্ৰীৰ আসনত অধিষ্ঠিত হৈছিল । তেওঁ ১৯৯১ চনত প্ৰথমবাৰৰ বাবে ৰাজ্যসভাৰ সদস্য হৈছিল আৰু ১৯৯১ চনৰ পৰা ১৯৯৬ চনলৈ তদানীন্তন নৰসিংহ ৰাও চৰকাৰত বিত্তমন্ত্ৰী হিচাপেও কাৰ্যনিৰ্বাহ কৰিছিল ।
প্ৰথমবাৰ দক্ষিণ দিল্লী সমষ্টিৰ পৰা নিৰ্বাচনত প্ৰতিদ্বন্দ্বিতা কৰিছিল, কিন্তু সংসদত উপনীত হ'ব পৰা নাছিল
অৱশ্যে তেওঁ লোকসভা নিৰ্বাচনতো প্ৰতিদ্বন্দ্বিতা কৰিছিল । প্ৰথমবাৰৰ বাবে তেওঁ দক্ষিণ দিল্লী আসনৰ পৰা নিৰ্বাচনত প্ৰতিদ্বন্দ্বিতা কৰিছিল । কিন্তু তেওঁ সংসদৰ নিম্ন সদনৰ বাবে যোগ্যতা অৰ্জন কৰা নাছিল । মনমোহন সিঙে নিজৰ ৰাজনৈতিক কেৰিয়াৰৰ প্ৰথম লোকসভা নিৰ্বাচনত দেশৰ ৰাজধানী দিল্লীৰ পৰা প্ৰতিদ্বন্দ্বিতা কৰিছিল ।
অৱশ্যে তেওঁ এই নিৰ্বাচনত সফল হ'ব নোৱাৰিলে । তেওঁ বিজেপি প্ৰাৰ্থী অধ্যাপক বিজয় কুমাৰ মালহোত্ৰাৰ হাতত পৰাজয়ৰ সন্মুখীন হ'বলগা হৈছিল । দেশৰ চতুৰ্থ লোকসভা নিৰ্বাচনৰ সময়ত ১৯৬৬ চনত দক্ষিণ দিল্লী লোকসভা সমষ্টিটো সৃষ্টি কৰা হৈছিল ।
১৯৯১ চনত প্ৰতিদ্বন্দ্বিতা কৰিছিল প্ৰথম নিৰ্বাচনত
১৯৯৯ চনৰ লোকসভা নিৰ্বাচনত প্ৰাক্তন প্ৰধানমন্ত্ৰী মনমোহন সিঙে এই আসনৰ পৰা প্ৰতিদ্বন্দ্বিতা কৰিছিল । কিন্তু তেওঁ তদানীন্তন বিজেপি নেতা বিজয় কুমাৰ মালহোত্ৰাৰ হাতত ৩০,০০০ ভোটত পৰাজিত হৈছিল ।
উল্লেখ্য যে, ড৹ মনমোহন সিঙে ১৯৯১ চনৰ পৰা একেৰাহে পাঁচবাৰ ৰাজ্যসভাৰ সাংসদ হৈ আছে । ইয়াৰে উপৰি তেওঁ ষষ্ঠবাৰ ৩ বছৰীয়া কাৰ্যকালৰ বাবে ৰাজ্যসভাৰ সাংসদ হৈছিল । ৰাজ্যসভাত তেওঁৰ মুঠ কাৰ্যকাল আছিল ৩৩ বছৰ ।
২০২৪ চনত সম্পূৰ্ণ হৈছিল ৰাজ্যসভাৰ কাৰ্যকাল
চলিত বছৰৰ এপ্ৰিলত ৰাজ্যসভাৰ কাৰ্যকাল সম্পূৰ্ণ হোৱাৰ পিছত তেওঁ অৱসৰ গ্ৰহণ কৰিছিল । আনহাতে, এবছৰৰো অধিক সময় ধৰি তেওঁ খোজকাঢ়িব পৰা নাছিল আৰু হুইলচেয়াৰৰ সহায়ত চলাচল কৰিছিল । ২০১৪ চনৰ লোকসভা নিৰ্বাচনত কংগ্ৰেছৰ পৰাজয়ৰ পিছত প্ৰধানমন্ত্ৰী পদৰ পৰা পদত্যাগ কৰাৰ পিছত ড৹ মনমোহন সিঙে তেওঁৰ পৰিয়ালৰ সৈতে ৩ মতিলাল নেহৰু মাৰ্গৰ এটা চৰকাৰী বাসভৱনত বাস কৰি আছিল ।
সাতবাৰ হৈছিল বাইপাছ ছাৰ্জাৰী
ড৹ মনমোহন সিং এগৰাকী হৃদৰোগী আছিল । তেওঁৰ সাতবাৰ হৃদযন্ত্ৰৰ বাইপাছ ছাৰ্জাৰী কৰা হৈছিল । আৰম্ভণিৰে পৰাই তেওঁৰ এইমছত চিকিৎসা চলি আছিল । প্ৰায় ২ বছৰ পূৰ্বে স্বাস্থ্যৰ অৱনতিৰ বাবে তেওঁক পুনৰ দিল্লী এইমছত ভৰ্তি কৰোৱা হৈছিল । প্ৰায় ১৫ দিন ভৰ্তি হোৱাৰ পিছত তেওঁক এইমছৰ পৰা অব্যাহতি দিয়া হয় ।
দিল্লী বিশ্ববিদ্যালয়ত অধ্যাপক আছিল
ড৹ মনমোহন সিং ১৯৬৯ চনৰ পৰা ১৯৭১ চনলৈ দিল্লী বিশ্ববিদ্যালয়ৰ দিল্লী স্কুল অব ইকনমিক্সৰ আন্তঃৰাষ্ট্ৰীয় বাণিজ্যৰ অধ্যাপক আছিল । তেওঁক ১৯৮৭ চনত পদ্ম বিভূষণ বঁটাও প্ৰদান কৰা হৈছিল ।
