নিউজ ডেক্স, ২৬ আগষ্ট : প্ৰায়ে নিজৰ বক্তব্যৰ বাবে শিৰোনাম আৰু বিতৰ্কত থকা 'বলীউডৰ কুইন' হিচাপে খ্যাত তথা বিজেপি সাংসদ কংগনা ৰনৌতৰ এটা সাক্ষাৎকাৰ এতিয়া ছ'চিয়েল মিডিয়াত অতি ভাইৰেল হৈ পৰিছে । কংগনাই এখন ব্যক্তিগত বাতৰিকাকতক দিয়া এক সাক্ষাৎকাৰত এনে কিছু কথা উল্লেখ কৰিছিল, যাৰ বাবে এতিয়া পুনৰ বিতৰ্ক আৰম্ভ হৈছে ।
Kangana Ranaut: Bangladesh like anarchy could have happened in India also like in the name of Farmers protest. Outside forces are planning to destroy us with the help of insiders. If it wouldn't have been foresight of our leadership they would have succeded. pic.twitter.com/05vSeN8utW
— Megh Updates 🚨™ (@MeghUpdates) August 25, 2024
এই সাক্ষাৎকাৰটো বৰ্তমান সামাজিক মাধ্যমত তীব্ৰ গতিত ভাইৰেল হৈ পৰিছে । তাত কংগনাই উল্লেখ কৰিছে যে বাংলাদেশৰ দৰে পৰিস্থিতি ইয়াতো হ'বলৈ বেছি সময় নালাগিলহেঁতেন । ইয়াৰ উপৰি তেওঁ কৃষক আন্দোলন সম্পৰ্কেও এক বিতৰ্কিত মন্তব্য কৰে । যাৰ বাবে এতিয়া ৰাজনৈতিক স্তৰত তীব্ৰ উত্তেজনা আৰম্ভ হৈছে । ইয়াৰ লগতে ছ'চিয়েল মিডিয়াতো ইউজাৰসকলে 'কুইন'ক ট্ৰ'ল কৰি আছে ।
DSGMC strongly objects the deliberate attempt by Ms. Kangana Ranaut, Director & Co-Producer to misrepresent Sikhs as the separatists in her upcoming movie " emergency".
— Harmeet Singh Kalka (@hskalka) August 22, 2024
in the teaser released recently, it is observed that an anti-sikh narrative about the martyrs of june 1984 is… pic.twitter.com/Z3dfWWWFzB
এখন ব্যক্তিগত বাতৰিকাকতক দিয়া সাক্ষাৎকাৰত কংগনাই উল্লেখ কৰে, "যেনেদৰে বাংলাদেশত হৈছে, সেয়া ইয়াতো (ভাৰতত) ঘটিবলৈ পলম নালাগিলহেঁতেন, যদিহে আমাৰ শীৰ্ষ নেতৃত্ব ইমান কঠোৰ নহ'লহেঁতেন । ইয়াত সংঘটিত কৃষক আন্দোলনত মৃতদেহবোৰ ওলমি আছিল, তাত ধৰ্ষণ সংঘটিত হৈছিল ৷’’
अभी थप्पड़ का निशान गया नहीं फिर वही बात कह गयी
— Dhruv Rathee Parody (@Dhruv_Rathee20) August 25, 2024
अब फिर कोई बेटी उठ खड़ी हुई तो दोनों गाल पर थप्पड़ जड़ कर जायेगी #KanganaRanaut तेरी हरकत हर बार थप्पड़ खाने वाला ही होता है
अब इस पर भाजपाई क्या बोलेंगे
प्रधानमंत्री जी क्या कहना है आपको इस पर pic.twitter.com/6CrNfx9sLN
‘‘যেতিয়া কৃষকসকলৰ সুবিধাৰ বাবে অনা বিধেয়ক প্ৰত্যাহাৰ কৰা হৈছিল, তেতিয়া সমগ্ৰ দেশ হতবাক হৈছিল । সেইসকল কৃষক এতিয়াও তাত বহি আছে । তেওঁলোকে কেতিয়াও ভবা নাছিল যে বিধেয়কখন উঠাই লোৱা হ'ব । এইটো এটা দীৰ্ঘম্যাদী পৰিকল্পনা আছিল, যেনেকৈ বাংলাদেশত হৈছিল । চীন আৰু আমেৰিকাৰ দৰে বিদেশী শক্তিয়ে এনে ষড়যন্ত্ৰৰ আঁৰত কাম কৰি আছে, যিবোৰে ইয়াতো কাম কৰি আছে ।" তেওঁ কয় ৷
ইফালে ছ'চিয়েল মিডিয়া ইনফ্লুৱেঞ্জাৰ ধ্ৰুৱ ৰাথীয়ে এই সাক্ষাৎকাৰটো পুনৰ টুইট কৰি কংগনাক লক্ষ্য কৰি লৈছে । ধ্ৰুৱ ৰাথীয়ে লিখিছে, "চৰৰ চিহ্ন এতিয়াও মাৰ যোৱা নাই, কিন্তু এতিয়াও একেই কথা কৈ আছে । এতিয়া যদি আকৌ কোনো জীয়াৰী পুনৰ থিয় হয়, তেওঁ দুয়োখন গালতে চৰ মাৰিব । কংগনা ৰনৌত, তোমাৰ ব্যৱহাৰ প্ৰতিবাৰেই চৰ খাবলগীয়ায়ে । বিজেপিয়ে এতিয়া এই সন্দৰ্ভত কি ক'ব ? প্ৰধানমন্ত্ৰীজী, এই সন্দৰ্ভত আপোনাৰ ক'বলগীয়া কি আছে ?"
উল্লেখ্য যে, ইয়াৰ পূৰ্বে কংগনাই কৈছিল যে ভাৰতে ২০১৪ চনত প্ৰকৃত অৰ্থত স্বাধীনতা লাভ কৰিছিল । ইয়াক লৈও তীব্ৰ প্ৰতিক্ৰিয়াৰ সৃষ্টি হৈছিল আৰু তেওঁক তীব্ৰভাৱে ট্ৰ'ল কৰা হৈছিল । কিন্তু কংগনা ৰনৌতৰ এই নতুন বিতৰ্কিত মন্তব্যৰ ওপৰত বিজেপিৰ পৰা কি প্ৰতিক্ৰিয়া আহে সেইটো লক্ষণীয় হ'ব ।
