ধাৰাসাৰ বৰষুণৰ ফলত বিমান উৰণত বাধাৰ সন্মুখীন এয়াৰ ইণ্ডিয়া : ভাৰা ওভোতাই দিয়াৰ প্ৰতিশ্ৰুতি - HEAVY RAINS EFFECTED FLIGHT SERVICE

Air India flight operations hit by heavy rains: ধাৰাসাৰ বৰষুণত প্ৰভাৱিত বিমান সেৱা ৷ মুম্বাইৰ বৰষুণে প্ৰভাৱিত কৰিছে বিমান পৰিবহণ সংস্থা এয়াৰ ইণ্ডিয়াক ৷ বিমান বাতিলৰ লগতে যাত্ৰাৰ কাৰ্যসূচীতো সালসলনি ঘটাবলগীয়া হৈছে সংস্থাটোৱে ।

নেশ্যনেল ডেস্ক, 25 জুলাই: বিমান পৰিবহন খণ্ডত মুম্বাই তথা ইয়াৰ উপকণ্ঠ অঞ্চলত হোৱা ধাৰাসাৰ বৰষুণৰ প্ৰভাৱ ৷ যাৰ ফলত বিমান বাতিলৰ লগতে যাত্ৰাৰ কাৰ্যসূচীতো সালসলনি ঘটাবলগীয়া হৈছে । বিশেষকৈ এই সন্দৰ্ভত ব্যাপক প্ৰত্যাহ্বানৰ সন্মুখীন হৈছে বিমান পৰিবহণ সংস্থা এয়াৰ ইণ্ডিয়া ৷ এয়াৰ ইণ্ডিয়া কৰ্তৃপক্ষই সদৰী কৰা অনুসৰি, বৃহস্পতিবাৰে ভ্ৰমণৰ বাবে টিকট বুকিং কৰা যাত্ৰীসকলৰ ভ্ৰমণৰ সূচী পুনৰ নিৰ্ধাৰণ কৰাৰ সমান্তৰালকৈ যাত্ৰীসকলক টিকটৰ মূল্য পৰিশোধ কৰাৰ কথাও ঘোষণা কৰিছে ৷

#ImportantUpdate: Heavy rains in Mumbai are affecting flight operations and resulting in cancellation and diversion of some of our flights. Air India is offering full refunds or a one-time complimentary rescheduling for bookings confirmed for travel on 25th July 2024.

Please…

— Air India (@airindia) July 25, 2024

যাত্ৰীসকলৰ সুবিধা হোৱাকৈ বিমানবন্দৰত উপস্থিত হোৱাৰ পূৰ্বে বিমানৰ স্থিতি সন্দৰ্ভত তথ্য সংগ্ৰহৰ বাবে বিমান পৰিবহণ সংস্থাটোৱে এটা লিংক শ্বেয়াৰ কৰিছিল ৷ এই বিষয়ে সামাজিক মাধ্যম এক্সতো পোষ্ট আপলোড কৰিছিল সংস্থাটোৱে ৷

ধাৰাসাৰ বৰষুণৰ ফলত মুম্বাইলৈ অহা-যোৱা কৰা বিমানসমূহ প্ৰভাৱিত হ'ব পাৰে । বিমানবন্দৰ অভিমুখী যাত্ৰীসকলক ঘৰৰ পৰা সোনকালে ওলোৱাৰ পৰামৰ্শ দিয়া হৈছে ৷ কিয়নো লেহেমীয়া যান-বাহনৰ গতিৰ লগতে পানী জমা হোৱাৰ ফলত যান-জঁটৰ সমস্যা সৃষ্টি হ’ব পাৰে বুলি বৃহস্পতিবাৰে পুৱা এক পোষ্টত উল্লেখ কৰে বিমান পৰিবাহী সংস্থাটোৱে ৷

#ImportantUpdate: Flights to and from Mumbai may get affected due to heavy rains. Guests are advised to start early for the airport, as slow traffic and waterlogging may delay movement.

Please check flight status before heading to the airport by clicking here:…

— Air India (@airindia) July 25, 2024

লগতে পঢ়ক: অৰুণাচল প্ৰদেশত ভয়ংকৰ ভূমিস্খলন; বন্ধ হৈ পৰিল পাচিঘাট-পাংগিন সংযোগী পথ - Landslide in Arunachal pradesh

দিনটোৰ আৰম্ভণিতে ধাৰাসাৰ বৰষুণৰ ফলত পানী জমা হোৱাৰ পিছত মুম্বাইৰ আন্ধেৰীৰ উপপথত যান-বাহনৰ চলাচল বন্ধ কৰি দিয়া হৈছিল । চহৰখনৰ কেইবাটাও অঞ্চল ইতিমধ্যে পানীৰ তলত বুলি জানিব পৰা গৈছে ৷

ৰাতিটোৰ ভিতৰতে হোৱা ধাৰাসাৰ বৰষুণে কিছুমান ৰাজহুৱা পৰিবহন সেৱা ব্যাহত কৰিছে, যাৰ ফলত অগণন যাত্ৰী অসুবিধাত পৰিছে । বৃহৎ মুম্বাই পৌৰ নিগমৰ মতে, "আজিৰ বতৰৰ আগজাননী অনুসৰি পুৱা ৮ বজাত চহৰ আৰু উপকণ্ঠ অঞ্চলত মধ্যমীয়াৰ পৰা ধাৰাসাৰ বৰষুণ হোৱাৰ সম্ভাৱনা আছে ৷" কোনো কোনো অঞ্চলত ধাৰাসাৰ বৰষুণৰ সম্ভাৱনা আছে ৷ মাজে মাজে 50-60 কিলোমিটাৰ প্ৰতি ঘণ্টাত ধুমুহা বতাহ বলাৰো সম্ভাৱনা দেখা গৈছে ৷

লগতে পঢ়ক: ৰাজধানী চহৰত জলপ্ৰলয়ত শিশুসহ 13 জনৰো অধিক লোকৰ মৃত্যু: 2 জুলাইলৈকে অৰেঞ্জ এলাৰ্ট - Rains havoc in Delhi

আনহাতে, ভাৰতীয় বতৰ বিজ্ঞান কেন্দ্ৰই বৃহস্পতিবাৰে মহাৰাষ্ট্ৰত ধাৰাসাৰ বৰষুণ হোৱাৰ সম্ভাৱনা ব্যক্ত কৰি ৰেড এলাৰ্ট জাৰি কৰিছে ৷ বুধবাৰে 26 জুলাইৰ পৰা 27 জুলাইলৈ ৰাজ্যখনত প্ৰবল বৃষ্টিপাত(115.6 ৰ পৰা 204.4 মিমি) ৰ সম্ভাৱনাৰে সতৰ্কবাণীৰ লগতে জাৰি কৰা হৈছিল অ’ৰেঞ্জ এলাৰ্ট । মহাৰাষ্ট্ৰৰ বিশেষকৈ কোংকন অঞ্চলৰ থানে, পালঘৰ, ৰায়গড়, ৰত্নগিৰি আৰু সিন্ধুদুৰ্গ জিলাৰ বাবেও জাৰি কৰা হৈছিল অ’ৰেঞ্জ এলাৰ্ট ৷

লগতে পঢ়ক: ভূমিস্খলনৰ ফলত ৬ দিন ধৰি বন্ধ অৰুণাচলৰ টুটিঙৰ গেলিং সীমান্ত পথ - Landslide in Arunachal