বাৰাণসী : জাবৰ নিষ্কাশন সন্দৰ্ভত বেনাৰসত পৌৰ নিগমে বহু কাম কৰি আছে । ইয়াৰ উপৰিও বেনাৰসত আন বহুতো উন্নয়নমূলক কাম চলি আছে । এই বিষয়ে জানিবলৈ লগতে নিজৰ নগৰখনক উন্নত কৰিবলৈ বৃহস্পতিবাৰে গুৱাহাটী পৌৰ নিগমৰ মেয়ৰ মৃগেণ শৰণীয়াসহ সকলো বিষয়া আৰু কাউন্সিলাৰ কাশীত উপস্থিত হয় । গুৱাহাটীৰ পৰা অহা ৭৪ জনীয়া এই দলটোৱে বেনাৰস পৌৰ নিগমৰ পৰা বহু তথ্য যুগুত কৰে ।
ইয়াৰ উপৰিও গুৱাহাটী পৌৰ নিগমৰ ৭৪ জনীয়া প্ৰতিনিধিৰ সৈতে মেয়ৰ মৃগেন শৰণীয়াই বাৰাণসী ভ্ৰমণ কৰে । বৃহস্পতিবাৰে বাৰাণসী পৌৰ নিগমৰ যুটীয়া পৌৰ আয়ুক্ত কৃষ্ণ চন্দ্ৰই গুৱাহাটীৰ প্ৰতিনিধিৰ সৈতে বাৰাণসী চহৰৰ বিভিন্ন কাম-কাজ আৰু প্ৰকল্প আদিও পৰিদৰ্শন কৰে ।
গুৱাহাটী পৌৰ নিগমৰ প্ৰতিনিধিসকলে প্ৰথমে গইথাহাত (Goithaha) নিৰ্মিত ১২০ এমএলডি এছটিপি পৰিদর্শন কৰে ৷ ইয়াৰ পিছতে তেওঁলোকে ৰামনাত অৱস্থিত ৱেষ্ট টু চাৰ্কোল আৰু চি এণ্ড ডি ৱেষ্ট প্লাণ্ট পৰিদৰ্শন কৰে ।
প্ৰতিনিধিসকলে ছিগ্ৰাত অৱস্থিত কণ্ট্ৰল কমাণ্ড চেণ্টাৰ ত্ৰিনেত্ৰ ভৱন পৰিদৰ্শন কৰাৰ পিছতে বাৰাণসীৰ মেয়ৰ অশোক কুমাৰ তিৱাৰীয়ে পৌৰ নিগমৰ প্ৰেক্ষাগৃহত সকলো প্ৰতিনিধিক আদৰণি জনায় । ইয়াৰ পাচতে গুৱাহাটী মহানগৰীত চলি থকা উন্নয়নমূলক কামৰ বিষয়ে জনপ্ৰতিনিধি দলটোৱে PPT ৰ জৰিয়তে বাৰাণস পৌৰ নিগমৰ সদস্যসকলৰক অৱগত কৰে ।
লগতে বানাৰসত চলি থকা এছিয়াৰ সৰ্ববৃহৎ আৰু অনন্য কয়লা উৎপাদন কাৰখানা, তিতা (Wet) আৱৰ্জনাসমূহৰ জৰিয়তে কেনেকৈ বিদ্যুৎ উৎপাদন হৈছে সেই বিষয়েও গুৱাহাটীৰ এই বিশেষ দলটোক তেওঁলোকে এই সকলো তথ্য দিয়ে ৷
লগতে পঢ়ক : ৩৫ কোটি টকা ব্যয়েৰে গুৱাহাটীত জাবৰ নিষ্কাশন প্ৰকল্প - Waste disposal plant in Guwahati
