مغربی بنگال كے شمالی دیناج پوركے رایے گنج تھانے كے تحت 34 نمبر قومی شاہراہ كے قریب ہیٹھیارا علاقے میں ترنمول كانگریس كے رہنما كی پراسرار موت ہوگئی۔آج صبح قومی شاہراہ كے كنارے ان كی لاش پائی گئی۔ اس سے پورے علاقے میں سنسنی پھیل گئی۔ Tmc Leader Murdered in Raigunj in North Dinajpur
ترنمول كانگریس كے رہنما كی لاش برآمدگی كے بعد مقامی ركن اسمبلی كی قیادت میں حامیوں نے قتل معاملے میں ملوث شرپسندوں كی گرفتاری كا مطالبہ كرتے ہوئے احتجاج كیا۔ ناكہ بندی كی وجہ سے آمدورفت بھی پوری طرح سے ٹھپ پڑ گئی۔ پولیس نے جائے وقوع پر پہنچ كر حالات كو قابو میں كیا اور لاش كو پوسٹ مارٹم كے لیے ہسپتال بھیجنے كا انتظام كیا۔
پولیس نےكہا كہ مرنے والے شخص كی شناخت قاسم شیخ كے طور پر ہویی ہے۔وہ ایك سماجی كاركن ہیں۔ گذشتہ شب سے وہ لاپتہ تھے۔ آج صبح قومی شاہراہ كے قریب ان كی لاش برآمد كی گئی ہے۔ پورے معاملے كی تفتیش كی جا رہی ہے اور یہ پتہ لگانے كی كوشش كی جا رہی ہے كہ قتل كے پیچھے كی اصل وجہ كیا ہے۔
پولیس نے مزید كہا كہ مقتول كے رشتہ داروں اور جان پہچان والوں سے پوچھ گچھ كی جا رہی ہے۔ آس پاس كے علاقوں میں تلاشی مہم بھی جاری ہے۔ اس معاملے میں ملوث شرپسندوں كو جلد ہی ڈھونڈ نكالا جائے گا۔ دوسری طرف ترنمول كانگریس كے ركن اسمبلی مشرف حسین نے اپنے حامیوں كے ساتھ مقامی تھانے كے باہر احتجاج كیا۔