حیدرآباد: برطانیہ کی اپوزیشن جماعت لیبر پارٹی نے عام انتخابات 2024 میں شاندار کامیابی حاصل کرتے ہوئے 14 سال بعد کنزرویٹیو پارٹی کی حکمرانی کا خاتمہ کر دیا ہے۔ اب تک کے نتائج کے مطابق یہ طے ہو چکا ہے کہ لیبر پارٹی کے کیر اسٹارمر نارائن مورتی کے داماد رشی سنک کی جگہ برطانیہ کے نئے وزیر اعظم ہوں گے۔
رشی سنک اب تک بھارت کے ساتھ اچھے تعلقات رکھے ہوئے ہیں اور اپنے دور میں بھارت کے ساتھ مختلف پالیسیوں پر کام بھی کیا ہے۔ تاہم، لیبر پارٹی کے اقتدار میں واپس آنے سے برطانیہ کی سیاست میں تبدیلی، بھارت کے لیے کیا معنی رکھتی ہے؟ یہ ایک بڑا سوال ہے جس میں تمام بھارتی لوگوں کی دلچسپی ہے۔
خارجہ پالیسی کے ماہر ڈاکٹر سورو کمل دتہ نے ای ٹی وی بھارت سے بات کرتے ہوئے کہا کہ برطانیہ کے نئے وزیر اعظم اور لیبر پارٹی کے رہنما کیئر اسٹارمر عالمی تناظر میں بھارت کی بڑھتی ہوئی ساکھ کے مطابق ہی کام کریں گے۔ وہ اقتصادی طاقت کے طور پر بھارت کی شناخت کو نظر انداز نہیں کر سکیں گے۔ اس کے علاوہ بھارت ہند پیسیفک بلاک میں ایک طاقتور پارٹنر کے طور پر بھی ابھرا ہے جسے انہیں سمجھنا ہوگا۔
We said we will stop the chaos. And we will.
— Keir Starmer (@Keir_Starmer) July 5, 2024
We said we will turn the page. And we have.
The work of change begins today. pic.twitter.com/nROZuPdxNj
تاہم، ڈاکٹر سورو کمل دتہ نے یہ بھی کہا کہ برطانیہ میں نئی حکومت سے بھارت کی توقعات بہت زیادہ نہیں ہیں۔ بھارت کے بارے میں لیبر پارٹی کا رویہ عموماً غیر جانبدار رہا ہے۔ ماضی میں برطانیہ میں لیبر پارٹی کی سابقہ حکومتیں پاکستان اور چین کے قریب رہی ہیں اور ہمیں اس سوچ میں زیادہ تبدیلی نظر نہیں آتی، حالانکہ اس کے بعد جغرافیائی حالات اور بین الاقوامی سیاست میں کافی زیادہ بڑی تبدیلی آئی ہے۔
ڈاکٹر دتہ نے کہا کہ پاکستان ایک ڈوبتا ہوا ناکام ملک ہے جبکہ گزشتہ چند سالوں میں برطانیہ اور چین کے درمیان فاصلے بھی بڑھے ہیں۔ توقع ہے کہ لیبر پارٹی کے نئے وزیر اعظم اور ان کی حکومت نئے ورلڈ آرڈر کے بدلے ہوئے فریم ورک کے مطابق کام کریں گے۔ اس کے ساتھ ساتھ ایک عالمی اقتصادی طاقت کے طور پر بھارت کا اثرو رسوخ اور ہند بحرالکاہل میں بھارت کا کردار بھی ان کی مستقبل کی پالیسیوں کو متاثر کرے گا۔
خارجہ پالیسی کے ماہر ڈاکٹر سوروکمل دتہ نے مزید کہا کہ ہمیں پوری امید ہے کہ برطانیہ کی نئی حکومت کے ساتھ دونوں ممالک کے تعلقات مضبوط، دور اندیش اور متحد ہوں گے اور نئی حکومت ماضی کی غلطیاں نہیں دہرائے گی۔ اپنے انتخابی منشور میں کیئر اسٹامر نے بھارت کے ساتھ ایک نئی اسٹریٹجک پارٹنرشپ قائم کرنے اور یوکے-انڈیا تعلقات کو مضبوط بنانے کے اپنے عزم کا اظہار کیا ہے۔
The work of change begins today. pic.twitter.com/DfP1UG1Upr
— Keir Starmer (@Keir_Starmer) July 5, 2024
