نئی دہلی: بھارت نے صومالیہ کے دارلحکومت موغادیشو میں 29 اکتوبر کو ہونے والے دہشت گردانہ حملوں کی شدید مذمت کی ہے جس میں متعدد معصوم جانیں گئیں۔ وزارت خارجہ کی پریس ریلیز میں کہا گیا کہ ہم متاثرین کے اہل خانہ کے ساتھ دلی تعزیت کرتے ہیں اور دوہرے دھماکوں میں زخمی ہونے والوں کی جلد صحت یابی کی دعا کرتے ہیں۔ بیان میں مزید کہا گیا ہے کہ یہ حملہ ایک بار پھر عالمی برادری کو یاد دلاتا ہے کہ وہ دہشت گردی کی تمام شکلوں اور مظاہر سے نمٹنے کے لیے متحد ہوں، کیونکہ یہ بین الاقوامی امن اور سلامتی کے لیے سب سے بڑے خطرات میں سے ایک ہے۔India on Attacks in Mogadishu
صومالیہ کے صدر حسن شیخ محمد نے کہا کہ ہفتے کے روز موغادیشو کے ایک پرہجوم جنکشن پر ہونے والے دو کار بم دھماکوں میں کم از کم 100 افراد ہلاک اور 300 سے زائد زخمی ہو گئے، انہوں نے خدشہ ظاہر کیا کہ ہلاکتوں میں اضافہ ہو سکتا ہے۔ صومالیہ کی حکومت نے ان دھماکوں کے لیے القاعدہ سے منسلک الشباب شدت پسند گروپ کو ذمہ دار ٹھہرایا ہے، جو اکثر دارالحکومت کو نشانہ بناتا ہے۔
صومالی صدر حسن شیخ محمد نے ٹویٹر پر لکھا، "اخلاقی طور پر دیوالیہ اور مجرم الشباب گروپ کی طرف سے معصوم لوگوں پر کا ظالمانہ اور بزدلانہ دہشت گردانہ حملہ ہماری حوصلہ شکنی نہیں کر سکتا لیکن ان کو ہمیشہ کے لیے شکست دینے کے ہمارے عزم کو مزید مضبوط کرے گا۔ اس حملے کی ذمہ داری فوری طور پر کسی نے قبول نہیں کی تھی، لیکن انتہا پسند گروپ الشباب نے دیگر حالیہ حملوں کا کی ذمہ داری قبول کی ہے۔
یہ بھی پڑھیں:Car Bomb Blast in Somalia صومالیہ کار بم دھماکے میں ہلاکتوں کی تعداد سو سے تجاوز