'جنوبی کشمیر کے حالات غلط پالیسی کا نتیجہ'

پی ڈی پی نے پلوامہ ضلعے کے اونتی پورہ کے نوجوان رضوان اسد پنڈت کی موت پر افسوس کا اظہار کیا اور کہا کہ جنوبی کشمیر کے حالات مودی حکومت کی غلط پالیسی کا نتیجہ ہیں۔

سرینگر میں ای ٹی وی بھارت کے ساتھ بات کرتے ہوئے، پی ڈی پی کے یوتھ صدر وحید پرہ نے کہا کہ کشمیر میں نوجوانوں اور جماعت اسلامی سے منسلک لوگوں کو ہراساں کیا جارہا ہے اور جیلوں میں قید کیا جا رہا ہے۔

انہوں کہا کہ ایک طرف سے سرکار انتخابات کرنے کے انتظام کر رہی ہے وہیں نوجوانوں اور جماعت اسلامی دے وابستہ لوگوں کی پکڑ دھکڑ جاری ہے۔

انہوں نے کہا کہ سیکورٹی فورسز اور پولیس کی طرف سے نوجوانوں کو ہراساں کرنا جوانوں کو عسکریت پسندی پر مجبور کر رہے ہے۔

پی ڈی پی یوتھ صدر وحید پرہ نے مزید کہا کہ سرکار ایک منصوبے کے تحت جنوبی کشمیر کو جنگ کا میدان بنا رہی ہے اور نوجوانوں کو تشدد کی طرف دھکیل رہی ہے۔