وکیل سے جیل میں اکثر ملنے کے کجریوال کے مطالبے پر فیصلہ محفوظ رکھا گیا

نئی دہلی: دہلی ہائی کورٹ نے دہلی ایکسائز گھوٹالہ کے ملزم اور دہلی کے وزیر اعلیٰ اروند کیجریوال کی تہاڑ جیل میں اپنے وکیل سے ملاقات کے لیے مزید وقت مانگنے کی درخواست پر اپنا فیصلہ محفوظ کر لیا ہے۔ جسٹس نینا بنسل کرشنا نے تمام فریقین کے دلائل سننے کے بعد فیصلہ محفوظ کر لیا۔ کیجریوال نے ویڈیو کانفرنسنگ کے ذریعے اپنے وکلاء کے ساتھ ہفتے میں دو اضافی ملاقاتوں کی اجازت مانگی ہے۔ فی الحال، قواعد کے مطابق، کیجریوال ہفتے میں صرف دو بار اپنے وکلاء سے مل سکتے ہیں۔