سری نگر کے بلال احمد نے بنائی سولر کار، سفر سستا ہو جائے گا، ویڈیو دیکھیں - SOLAR POWERED CAR

 سری نگر: جموں و کشمیر کے سری نگر سے تعلق رکھنے والے ریاضی دان بلال احمد میر نے اپنی کمپنی بلال انوویٹیو سولر آٹوموبائل کے بینر تلے ایک سولر کار 'رے' تیار کی ہے۔

برسوں کی محنت کے بعد ان کا دعویٰ ہے کہ انھوں نے ایک جدید ترین ماحول دوست گاڑی بنائی ہے جو مکمل طور پر شمسی توانائی سے چلتی ہے۔ بلال نے بتایا کہ یہ گاڑی مکمل طور پر سولر سسٹم سے منسلک ہے اس لیے بجلی اور دیگر ایندھن پر انحصار بہت کم ہے۔ سب سے بڑی خوبی یہ ہے کہ یہ ماحول دوست کار سولر کار ہے۔ بلال احمد کا دعویٰ ہے کہ یہ ہندوستان کی پہلی ہائی ٹیک سولر کار ہے کیونکہ یہ ایک کلو واٹ بجلی پیدا کرتی ہے۔ ان کا دعویٰ ہے کہ یہ کار ماحول دوست ہونے کے ساتھ ساتھ نقل و حمل کی دنیا میں ایک نئی پیش رفت ہے۔ یہ گاڑی جون کے مہینے میں سڑکوں پر آنے کی امید ہے۔ اس کا مقصد عوام کو ایک سستی اور توانائی کی بچت والا آپشن فراہم کرنا ہے۔