ہریانہ کے یمنا نگر میں بیوی کے ہاتھوں شوہر کا قتل - A Story of Revenge from Husband - A STORY OF REVENGE FROM HUSBAND
Yamunanagar Wife Murdered Husband: یمنا نگر میں محبت میں پڑنا اور دوسری بار شادی کرنا شوہر کے لیے اتنا مشکل ثابت ہوا کہ اسے جان سے ہاتھ دھونا پڑا۔ پہلی بیوی نے اپنے دو ساتھیوں کے ساتھ مل کر اسے پہلے ہتھوڑے سے مارا۔ پھر اس نے تیز دھار ہتھیار سے حملہ کیا کہ اس کے بچنے کا کوئی امکان باقی نہ رہے۔ پھر ثبوت مٹانے کے لیے لاش کو جلانے کی کوشش کی لیکن حقیقت اور جرم کبھی چھپ نہیں پاتا اور آخر کار پولیس نے اس بلائنڈ قتل کو بے نقاب کر دیا۔
Wife Murdered Husband in Yamunanagar by Hitting with a Hammer
یمنا نگر، ہریانہ: ہریانہ کے یمنا نگر میں بیوی نے اپنے شوہر کا بے دردی سے قتل کردیا۔ متوفی اجے، بہار کا رہنے والا تھا اور جمنا نگر کے جگادھری میں مزدوری کرتا تھا اور جمنا نگر کے گولڈن پوری میں رہتا تھا۔ بیوی اجے سے ناراض تھی کیونکہ اس نے دوسری شادی کر لی تھی جس کی وجہ سے ان کے درمیان جھگڑا ہوا کرتا تھا۔
بیوی کا بے دردی سے قتل:
حال ہی میں یمنا نگر کے بڈیا علاقہ میں آدھی جلی ہوئی لاش ملی تھی۔ پولیس نے صرف 72 گھنٹوں میں بلائنڈ قتل کا معاملہ حل کرلیا۔ جانکاری دیتے ہوئے جمنا نگر کے جگادھری تھانے کے ایس ایچ او نریندر رانا نے بتایا کہ اجے کا قتل اس کی بیوی نے کیا۔ اس کے ساتھ ایک معذور خاتون اور مرد بھی اس قتل کو انجام دینے میں ملوث ہیں۔ پولیس نے ملزم کی بیوی اور اس کی خاتون ساتھی کو گرفتار کر لیا ہے جب کہ واردات میں ملوث شخص فی الحال پولیس کی گرفت سے باہر ہے۔
بیوی شوہر کی دوسری شادی سے ناراض تھی:
قتل کی وجہ کے بارے میں معلومات دیتے ہوئے تھانہ انچارج نے بتایا کہ اجے کو اس کی بیوی نے اس لیے قتل کیا کیونکہ اس نے دوسری شادی کرلی تھی اور وہ دوسری بیوی کے ساتھ رہنے پر اصرار کر رہا تھا۔ بیوی یہ برداشت نہ کر سکی اور اس سارے معاملہ پر ان کے درمیان گرما گرم بحث ہوئی۔ جب دونوں کے درمیان جھگڑا بڑھ گیا تو بیوی نے اپنے دو ساتھیوں کے ساتھ مل کر اجے پر ہتھوڑے سے حملہ کرنا شروع کر دیا۔ یہی نہیں بعد میں اجے پر تیز دھار ہتھیاروں سے بھی حملہ کیا گیا تاکہ وہ کسی بھی حالت میں بچ نہ سکے۔
پولیس نے تفتیش کر کے گرفتار کر لیا:
قتل کے بعد اجے کی لاش کو رات بھر گھر میں رکھا گیا اور پھر صبح اجے کی لاش کو ای رکشہ میں رکھ کر کھیت میں لے جایا گیا اور تمام شواہد کو مٹانے کے لیے لاش کو آگ بھی لگائی گئی۔ لیکن اس کے باوجود لاش پوری طرح جل نہ سکی۔ اس کے بعد کسی نے پولیس کو کھیت میں پڑی لاش کی اطلاع دی، جس کے بعد پولیس نے موقع پر پہنچ کر معاملہ کی جانچ شروع کردی۔ پولیس نے سی سی ٹی وی فوٹیج کی جانچ کی اور پھر مقتول اجے کی بیوی سے سختی سے پوچھ گچھ کی اور پھر قتل کیس کا پردہ فاش کیا۔ فی الحال پولیس نے دونوں ملزمان کو عدالت میں پیش کر کے ریمانڈ پر لے لیا ہے۔ جب کہ لاش کو مردہ خانے منتقل کر دیا گیا۔
