بگہا (چمپارن، بہار): مغربی چمپارن میں ایک دل خراش واقعہ پیش آیا ہے، جہاں ایک استاد نے اپنے طالب علم کے ساتھ قصائی جیسا برتاؤ کیا ہے۔ 'ایسے ٹیچر کو جیل بھیج دینا چاہیے۔ یہ استاد نہیں قصائی ہے، کیا کوئی اس طرح مارتا ہے؟ بہار کے بگہا سے ایک ویڈیو دیکھ کر لوگ ایسی ہی باتیں کہہ رہے ہیں۔ ویڈیو اتنا خوفناک ہے کہ ہم اسے نہیں دکھا سکتے اور نہ ہی آپ کے اندر اتنی ہمت ہوگی کہ اس طرح کا ویڈیو دیکھ سکیں، مگر اس کے بارے میں ہم آپ کو ضرور بتا ئیں گے۔ جس کو پڑھنے کے بعد آپکی روح کانپ اٹھے گی اور آپ سوچیں گے کہ کہیں آپ کے اپنے کے ساتھ تو کچھ ایسا نہیں ہو رہا ہے؟
بگہا میں ٹیچر نے طالب علم کی پٹائی:
دراصل معاملہ بہار کے مغربی چمپارن بگاہا کا ہے جہاں کا ایک ویڈیو سوشل میڈیا پر وائرل ہو رہا ہے۔ اس ویڈیو میں ایک استاد ایک طالب علم کو بے دردی سے پیٹ رہا ہے۔ طالب علم کا قصور صرف اتنا تھا کہ وہ اسے بتائے بغیر ہاسٹل سے باہر چلا گیا تھا۔ اس کے بعد ٹیچر نے اسے شدید مارا پیٹا اور دو دن تک کمرے میں بند رکھا۔
تین لوگوں نے ایک ساتھ مارا پیٹا:
بگہا میں اس طالب علم کی پٹائی کا معاملہ ہرنانڈ میں واقع ایک پرائیویٹ کوچنگ ہاسٹل کا ہے۔ 12 سالہ طالب علم کو استاد نے بہت بے دردی سے پارا پیٹا۔ حد تو ہی ہو گئی کہ پہلے اس نے اس لڑکے کو ہاتھوں سے، پھر لاتوں سے، پھر لکڑی سے اور اس کے بعد جب اس کا دل نہیں بھرا تو اس نے لوہے کی راڈ سے بڑی بے دردی سے مارا پیٹا۔
ہاسٹل کے ایک دوسرے طالب علم کا کہنا ہے کہ کوچنگ منیجر، اس کی بیوی اور دیگر اساتذہ نے مل کر اسے لوہے کے پائپوں اور ڈنڈوں سے بے دردی سے مارا۔ طالب علم کی پوری کمر اور کولہے سوج گئے ہیں۔ اسے تشویشناک حالت میں اس کو اسپتال میں داخل کرایا گیا ہے جہاں اس کا علاج چل رہا ہے۔