نئی دہلی: دہلی اسمبلی انتخابات کے لیے پانچ فروری کو پولنگ ہونی ہے لیکن اس سے 10 دن پہلے ہی سابق نائب صدر جموریہ حامد انصاری نے پیر کو اپنی رہائش گاہ پر اپنا ووٹ ڈالا۔ انہوں نے گھر سے ووٹ ڈالنے کے لیے نئی موبائل پوسٹل بیلٹ سہولت کا استعمال کیا، جسے نئی دہلی ڈسٹرکٹ الیکشن آفس نے شروع کیا ہے۔ الیکشن کمیشن کی طرف سے تیار کردہ الیکٹرانک ٹرانسمیٹڈ پوسٹل بیلٹ سسٹم ووٹرز کو دور دراز مقامات سے اپنا ووٹ ڈالنے کی اجازت دیتا ہے۔ یہ نظام پوسٹل بیلٹ کے ڈیجیٹل ورژن کی طرح ہے، جہاں ووٹر اپنا بیلٹ آن لائن حاصل اور جمع کر سکتے ہیں۔
یہ سہولت ان لوگوں کے لیے مفید ہے جو اپنے پولنگ ایریا سے باہر ہیں۔ دہلی کے چیف الیکٹورل آفس نے 23 جنوری کو گھر سے ووٹنگ کی یہ سہولت شروع کی تھی۔ یہ سہولت خاص طور پر 85 سال اور اس سے زیادہ عمر کے بزرگ شہریوں اور معذور افراد کے لیے دستیاب ہے۔ الیکشن کمیشن نے سب سے پہلے یہ سہولت 2024 کے لوک سبھا انتخابات میں شروع کیا تھا۔
مزید پڑھیں: دہلی کے پر امام و مؤذنین کو 17 ماہ سے زیر التواء تنخواہ ملی
اعداد و شمار کے مطابق، دہلی میں 6,399 بزرگ شہریوں اور 1,050 معذور ووٹروں نے اس سہولت کا انتخاب کیا ہے۔ پانچ فروری کو ہونے والے انتخابات سے قبل الیکشن کمیشن نے ایک اعلیٰ سطح کا اجلاس منعقد کیا۔ اس میں دہلی پولیس، میونسپل کارپوریشن اور دیگر متعلقہ محکموں کے سینئر افسران نے حصہ لیا۔ اجلاس کا مقصد انتخابی عمل کو آسان اور محفوظ بنانا تھا۔
یہ بھی پڑھیں: دہلی انتخابات 2025: 'دہلی کا دل' جیتنے کے لیے 'واٹ اباؤٹزم' اور فری بی کا بول بالا
دہلی کی 70 اسمبلی سیٹوں کے لیے انتخابی تشہیر اپنے عروج پر ہے۔ عام آدمی پارٹی (اے اے پی)، بھارتیہ جنتا پارٹی (بی جے پی) اور کانگریس سبھی پرچار میں اپنی پوری جھونکے ہوئے ہیں۔ ووٹنگ ایک ہی مرحلے میں پانچ فروری کو ہوگی جب کہ ووٹوں کی گنتی آٹھ فروری کو ہوگی۔ اس بار کل 699 امیدوار انتخابی میدان میں ہیں۔ گذشتہ دو اسمبلی انتخابات میں عام آدمی پارٹی نے زبردست برتری حاصل کی تھی۔ پارٹی نے 2015 میں 67 اور 2020 میں 62 سیٹیں جیتی تھیں۔ ان انتخابات میں بی جے پی نے تین اور آٹھ سیٹیں جیتی ہیں۔ دوسری طرف دہلی میں مسلسل 15 سال تک اقتدار میں رہنے والی کانگریس گذشتہ دو انتخابات میں ایک بھی سیٹ جیتنے میں ناکام رہی۔ اس بار الیکشن کس کے حق میں جاتا ہے یہ آٹھ فروری کو واضح ہو جائے گا۔
مزید پڑھیں: دہلی میں راہل گاندھی نے کہا، پی ایم مودی اور سی ایم کیجریوال میں کوئی فرق نہیں
دہلی ہائی کورٹ نے اے آئی ایم آئی ایم کی پہچان منسوخ کرنے کی عرضی کو خارج کر دیا
