جے پور میں چرند و پرندوں کی حفاظت کے لئے بائیک ریلی - Bike Rally Jaipur To Ajmer Sharif

دارالحکومت جے پور سے اجمیر تک 26 معذور افراد پر مشتمل ایک وفد نے جے پور میں چرند پرندوں کی حفاظت کے لئے بائیک ریلی کا اہتمام کیا گیا۔اس بائیک ریلی میں خواتین اور بچے بھی شامل تھے ۔

اجمیر:ملک ہندوستان میں چرند پرندوں اور انسانیت کے نام محبت کا پیغام عام کرنے کے مقصد سے راجستھان کے دارالحکومت جے پور سے اجمیر تک معذور افراد پر ایک گروپ نے بائیک ریلی نکالی۔اس گروپ میں شامل لوگوں نے عالمی مشہور حضرت خواجہ معین الدین حسن چشتی رحمت اللہ علیہ کی بارگاہ پر حاضری دی جہاں انہوں نے عقیدت کی چادر اور پھول پیش کر تے ہوئے مقصد میں کامیابی کی خصوصی دعا مانگی۔

بائیک ریلی کے دوران ان تمام لوگوں نے پرندوں کے لیے سخت گرمی کے موسم میں پانی کے انتظامات کرنے اور عوامی سطح پر پرندوں کی حفاظت کا پیغام بھی دیا۔ ریلی گروپ کے سربرا محمد اسحاق خان نے بتایا کہ یہ بائک ریلی ایک مسکان مظلوموں کے نام تنظیم کے زہر اہتمام نکالی گئی۔اس میں تمام مذاہب کے افراد شامل رہے۔

انہوں نے کہاکہ اس بائیک ریلی کا اصل مقصد ایک مسکان بے زبان پرندوں کے نام تھا اور اسی کے تحت اجمیر شریف درگاہ میں تمام لوگ حاضری دینے پہنچے ہیں جہاں درگاہ کے خادم سید شاکر علی چشتی اور سماجی کارکن ریاض منصوری اور ان کے ساتھیوں نے اس وفد کا استقبال کیا۔ خواجہ صاحب کی بارگاہ میں حاضری کے دوران خادم سید صفحات علی چشتی نے ان لوگوں کی دستار بندی کی اور دربار کا تبرک پیش کیا