نئی دہلی: وزیر اعظم نریندر مودی کے فلیگ شپ انٹرایکٹو پروگرام 'پریکشا پہ چرچہ 2024' کے لیے ریکارڈ 2.26 کروڑ رجسٹریشن موصول ہوئے ہیں۔ اسکول کے طلباء، اساتذہ اور والدین کے ساتھ پروگرام کے ساتویں ایڈیشن 'پریکشا پہ چرچا 2024' کے لئے مائی گورنمنٹ پورٹل پر بڑے پیمانے پر 2.26 کروڑ رجسٹریشن کیے گئے ہیں۔
وزارت تعلیم نے کہا کہ بھاری تعداد میں رجسٹریشن سے ملک بھر کے طلباء میں وسیع جوش و خروش کی عکاسی کرتا ہے، جو اس تقریب میں شرکت کرنے اور وزیر اعظم سے بات چیت کرنے کے خواہشمند ہیں۔ اس سال پریکشا پہ چرچا پروگرام 29 جنوری کو دہلی کے بھارت منڈپم میں ٹاؤن ہال فارمیٹ میں منعقد کیا جائے گا۔ پروگرام میں تقریباً 3000 شرکاء وزیر اعظم سے بات چیت کریں گے۔ ہر ریاست اور مرکز کے زیر انتظام علاقوں سے دو طلباء اور ایک استاد، اور کالا اتسو کے فاتحین کو مرکزی تقریب کے لیے خصوصی مہمانوں کے طور پر مدعو کیا گیا ہے۔ ایک عہدیدار نے مزید کہا کہ ملک کے مختلف علاقوں سے ایکلویہ ماڈل ریزیڈنشیل اسکولس کے 100 طلباء اس کے قیام کے بعد پہلی بار اس تقریب میں شرکت کریں گے۔