'وقف میں ترمیم کسی بھی قیمت پر قابل قبول نہیں' - Waqf Amendment Bill

راشٹریہ اہل سنت وقف پروٹیکشن کونسل نے کہاکہ وقف بورڈ ایکٹ میں ترمیم کی کڑی مخالفت کرتے ہوئے کہاکہ یہ بل مسلم مخالف ہے۔حکومت کو اس فیصلے پر نثرثانی کرنے کی ضرورت ہے۔

اجمیر:مرکزی حکومت ملک میں وقف بورڈ کی جائیداد کو لے کر خاص تبدیلیاں کر رہی ہے، ایسے میں اب وقف بل کو لے کر اجمیر شریف درگاہ سے بڑا بیان سامنے آیا ہے۔

درگاہ کے گدی نشین اور قومی اہل سنت وقف پروٹیکشن کونسل کے قومی صدر سید سلطان الحسن مصباحی نے اس بل کے حوالے سے واضح طور پر کہا ہے کہ وقف بورڈ میں ایسی کوئی ترمیم برداشت نہیں کی جائے گی۔اس سے مسلمانوں کے حقوق متاثر ہوں۔

انہوں نے کہا کہ ان کے ایک وفد نے 6 اپریل 2015 کو پی ایم مودی سے بھی ملاقات کی تھی اور وقف جائیداد کے بارے میں بھی بات چیت کی تھی۔ لیکن اب وقف بورڈ میں ترمیم کرنے سے پہلے ملک کی تمام بڑی مسلم تنظیموں سے مشاورت کی جانی چاہیے تھی۔ ایسے میں اگر وقف بورڈ میں کوئی تبدیلی کی جاتی ہے تو اسے برداشت نہیں کیا جائے گا۔

ہندستان کی مختلف مسلم تنظیموں کو شک و شبہ ہے کہ مودی حکومت وقف جائیداد میں دخل دے کر مسلمانوں کے حق کو پامال کر سکتی ہے, یہی وجہ ہے کہ مسلم تنظیموں اور اپوزیشن جماعتوں نے اس ترمیمی بل کے خلاف اپنی اواز بلند کرنا شروع کر دیا ہے۔