دوسرے مرحلے کی ووٹنگ کے دوران میرٹھ میں ضابطہ اخلاق کی خلاف ورزیاں، انتظامیہ خاموش - Lok Sabha Election

پارلیمانی انتخابات میں آج دوسرے مرحلے کی ووٹنگ کے دوران ضلع میرٹھ میں بی جے پی کی جانب سے ضابطہ اخلاق کی خلاف ورزی بھی دیکھنے کو ملی۔اپوزیشن جماعتوں کی جانب سے شکایت کرنے کے باوجود انتظامیہ خاموش تماشائی بنی رہی

میرٹھ:ریاست اتر پردیش کے ضلع میرٹھ میں آج پارلیمانی انتخابات میں دوسرے مرحلے کی ووٹنگ ہوئی۔ عوام نے حق رائے دہی کا استعمال بڑی سنجیدگی کے ساتھ کیا۔ ووٹنگ کے دوران سکیورٹی کے سخت انتظامات کئے گئے۔ اس کے باوجود ایسے میں ضابطہ اخلاق کی خلاف ورزی بھی دیکھنے کو ملی۔

ضلع میرٹھ میں مختلف پولنگ سینٹر کے قریب بی جے پی کے جھنڈے اور سیلفی پوئنٹ میں وزیراعظم نریندر مودی اور رامائن کے رام کی تصویریں بھی دیکھنے کو ملی ہے جوکہ ضابطہ اخلاق کی خلاف ورزی ہے۔ ایسے ضلع انتظامیہ کی جانب سے پریورتن دل کے افسران کچھ جگہ پر بی جے پی کے جھنڈوں کو اتارتے بھی دیکھے گئے۔

اس طرح کی شکایات کی جب ضلع مجسٹریٹ سے بات کی گئی تو انہوں نے کہا کہ اس طرح کی معمولی شکایات ملی تھی جن وقت رہتے ہٹا دیا گیا ہے۔ باقی شہر میں ووٹنگ پر امن ماحول ہوئی۔ اب دیکھنا ہوگا کہ جس طرح سے میرٹھ میں کھلے عام ضابطہ اخلاق کی خلاف ورزی موجودہ حکومت کی طرف سے کی جا رہیے ایسے اس طرح کے لوگوں کے خلاف کیا کارروائی ہوتی ہے۔