غلط بیانی پر مرکزی وزیر کو ریاست کے عوام سے معافی مانگنی چاہیے

Karnataka Mahila Congress React کرناٹک پردیش مہیلا کانگریس کی ریاستی جنرل سکریٹری راج شری کانت سوامی نے کہا کہ وزیراعلیٰ سدارامیہ کے خلاف جو بیان بازی کی گئی ہے اس پر مرکزی وزیر بھگوت کھوبا کو معافی مانگنی چاہئے۔مرکزی وزیر کی جھوٹی بات پر جتنی بھی مذمت کی جائے وہ کم ہے۔

بیدر: کرناٹک پردیش مہیلا کانگریس کی ریاستی جنرل سکریٹری راج شری کانت سوامی نے کہا کہ ریاست میں بی جے پی کے رہنما جھوٹ کا سہارا لینے لگے ہیں۔بھگوت کھوبا نے کہا کہ سدارامیا کو بجٹ کے بارے میں کوئی علم نہیں ہے۔ اس سے پتہ چلتا ہے کہ آپ کے کسی کے بارے میں کتنی معلومات ہے۔ سدارامیا نے 16 بار کامیابی کے ساتھ ریاستی بجٹ پیش کیا ہے۔ سدارامیہ کے وسیع تجربے کو لے ایچ ڈی دیوے گوڑا، بی ایس۔ یدی یورپا سمیت بہت سے لوگ تعریف کرتے ہیں۔

مہیلا کانگریس کی رہنما نے کہاکہ مرکزی وزیر بھگوت کھوبا سے ریاست کی عوام سے معافی مانگنے کا مطالبہ کیا۔انہوں نے کہا کہ سدارامیا اور ایم ایل اے نے نئی دہلی میں مرکزی حکومت کے خلاف دھرنا دیا کیونکہ کرناٹک کے ساتھ ناانصافی ہوئی ہے۔ریاست کرناٹک کو نظر انداز کیا گیا ہے۔اس سے کرناٹک کے عام لوگوں کو تکلیف پہنچی ہے۔

انہوںنے کہاکہ 2014 تک ملک کا قرض 54 لاکھ کروڑ روپے تھا۔ اب ملک کا قرض 171 لاکھ کروڑ روپے ہے۔ مودی حکومت نے 117 لاکھ کروڑ روپے کا قرض لیا ہے۔ اس کے باوجود وہ ملک کے ساتھ ایسے جوڑ توڑ کر رہے ہیں جیسے میں ستیہ ہریش چندر ہوں۔ یہ ملک کے ساتھ دھوکہ ہے۔