جامعہ ملیہ اسلامیہ کی رینکنگ اے ایم یو سے بہتر کیوں؟ - Jamia Milia Islamia Ranking Better

علیگڑھ مسلم یونیورسٹی (اے ایم یو) کی این آئی آر ایف رینکنگ اس کی سسٹر یونیورسٹی جامعہ ملیہ اسلامیہ سے بہتر کیوں نہیں ہے ؟ جامعہ 2016 میں 83 رینکنگ سے 2024 میں تین پر آگئی لیکن اے ایم یو گیارہ سے آٹھویں رینکنگ تک ہی پہچپائی ہے۔

علیگڑھ:وزارت تعلیم نے 12 اگست کو قومی ادارہ جاتی فریم ورک (این آئی آر ایف رینکنگ 2024) کا اعلان کیا ہے۔ وزیر تعلیم دھرمیندر پردھان نے نئی دہلی میں بھارت منڈپم میں یہ فہرست جاری کی ہے۔ آئی آئی ٹی مدراس مسلسل 6 سالوں سے انجینئرنگ کے زمرے میں سرفہرست ہے۔ پچھلے سال کی طرح اس بار بھی جے این یو دوسرے نمبر پر ہے اور جامعہ ملیہ اسلامیہ یونیورسٹی کے زمرے میں تیسرے نمبر پر ہے اور علیگڑھ مسلم یونیورسٹی آٹھویں نمبر پر۔

اے ایم یو کی سسٹر یونیورسٹی جامعہ ملیہ اسلامیہ کی رینک 2016 میں 83 تھی جو اب بہترین کارکردگی کے مظاہرے کے سبب 3 ہو گئی اور اگر بات اے ایم یو کی جائے تو سال 2016 میں گیارہویں رینک تھی جو اب تک آٹھ رینک تک ہی پہچ پائی ہے ۔اس کو اے ایم یو پریس ریلیز میں اپنی بہترین کارکردگی کا مظاہرہ بتا رہی ہے ۔وائس چانسلر نعیمہ خاتون یونیورسٹی کی اس بہتر درجہ بندی پر مسرت و شادمانی کا اظہار کرتے ہوئے اس حصولیابی پر یونیورسٹی کے اساتذہ، موجودہ و سابق طلباء اور عملے کے اراکین کو مبارکباد پیش کی۔

اے ایم یو رینکنگ کمیٹی کے چیئرمین مرزا سلیم بیگ نے بتایا گزشتہ برس کے مطابق اے ایم یو اس سال اچھی کارکردگی کا مظاہرہ کرتے ہوئے NIRF کی رینکنگ میں آٹھواں مقام حاصل کیا ہے گزشتہ برس نویں رینک تھی, اگلی سال مزید رینکنگ کو بہتر بنانے کے لئے جو بھی کمیاں دور کرنے کی کوشش کریں گے۔

جامعہ ملیہ اسلامیہ کی رینکنگ اے ایم یو سے بہتر سے متعلق سوال کے جواب میں پروفیسر اسد اللہ خان نے بتایا کہ یہ بات سچ ہے کہ اے ایم یو جامعہ ملیہ اسلامیہ کے مقابلے بڑی اور قدیم یونیورسٹی ہے باوجود اس کے جامعہ ملیہ اسلامیہ کی رینکنگ اچھی آتی ہے۔ہمیں تحقیق, پیٹینٹ, پروجیکٹ, رسرچ پیپر پبلیکیشنز, اساتذہ کی تقرری, ریسرچ پروجیکٹ, آن لائن ایجوکیشن پر مزید کام کرنے کی ضرورت ہے۔

این آئی آر ایف رینکنگ میں اے ایم یو کے کمزور پوئنٹس:
۱۔ فینانشیئل یوٹیلیزیسن۔
۲۔ آن لائن ایجوکیشن۔
۳۔ رسرچ پروفیشن۔
۴۔ پیٹینٹ
۵۔ رسرچ پروجیکٹ
۶۔ انڈیکس جنرل
۷۔ ریجنل ڈائورسیٹی۔

اے ایم یو انتظامیہ کو غور فکر اس بات پر کرنا چاہیے کہ جب ان کی سسٹر یونیورسٹی 83 سے تیسری رینک پر پہنچ سکتی ہے تو پھر اے ایم یو 10 سے تیسری رینک یا ایک رینک پر کیوں نہیں پہنچ سکتی یا پہنچ پا رہی ہے۔ اے ایم یو کو این آئی آر ایف کی درجہ بندی میں بلند مقام حاصل کروانے کے لئے پریس ریلیز میں مسرت اور شادمانی کے اظہار کے ساتھ انتظامیہ کو یونیورسٹی میں ہونے والی تحقیق کا معیار, مختلف کورسز میں تعلیم کا معیار, کیمپس میں تعلیم کے لئے پرامن ماحول سمیت دیگر متعلقہ پیرامیٹرز پر جامعہ ملیہ اسلامیہ کی طرح ایمانداری سے صحیح سمت میں مزید محنت کرنے کی ضرورت ہے۔

اے ایم یو پریس ریلیز:
اے ایم یو وائس چانسلر پروفیسر نعیمہ خاتون نے حکومت ہند کے سب سے باوقار رینکنگ سروے میں یونیورسٹی کی بہتر درجہ بندی پر مسرت و شادمانی کا اظہار کیا ہے۔

انہوں نے اس حصولیابی پر یونیورسٹی کے اساتذہ، موجودہ و سابق طلباء اور عملے کے اراکین کو مبارکباد پیش کی۔ انہوں نے کہا کہ یہ یونیورسٹی برادری کے سبھی حلقوں کی انتھک کوششوں اور محنت کا ثمرہ ہے جس نے یونیورسٹی کو ملک کی بہترین یونیورسٹیوں میں ایک اعلیٰ مقام حاصل کرنے میں مدد کی۔

پروفیسر خاتون نے اس بات پر زور دیا کہ یونیورسٹی میں ہونے والی تحقیق کا معیار اور مختلف کورسز میں تعلیم کا معیار اور جدّت وہ اہم اوصاف ہیں جو کسی ادارے کو رینکنگ سروے میں بہتر مقام حاصل کرنے میں مدد دیتے ہیں۔ انہوں نے اساتذہ، محققین اور طلباء پر زور دیا کہ وہ آنے والے برسوں میں یونیورسٹی کو این آئی آر ایف کی درجہ بندی میں بلند مقام پر لے جانے کے لیے مزید محنت کریں۔