ہریانہ: ابتدائی رجحانات میں سبقت کے بعد کانگریس کارکنان نے منایا جشن، اب بی جے پی نکل گئی آگے

ہریانہ میں تازہ رجحانات میں اب بی جے پی آگے ہو گئی ہے حالانکہ کانگریس کارکنان شروع میں جیت کا جشن منانے لگے تھے۔

ہریانہ: اگلے 5 سال ہریانہ پر کون حکومت کرے گا؟ اس کا فیصلہ آج ہو گا۔ ووٹوں کی گنتی صبح 8 بجے سے جاری ہے۔ 5 اکتوبر کو ہریانہ کی تمام 90 سیٹوں پر 67.90 فیصد ووٹنگ ہوئی تھی۔ آپ کو بتاتے چلیں کہ ہریانہ الیکشن میں کل 1,031 امیدوار میدان میں ہیں۔ ان میں سے 464 آزاد اور 101 خواتین ہیں۔

ہریانہ میں کانگریس اور بی جے پی کے درمیان سخت مقابلہ جاری ہے۔ ووٹوں کی گنتی کی شروعات ہی سے کانگریس رجحانات میں بی جے پی کو پچھاڑ چکی تھی۔ لیکن صبح دس بجے کے بعد کھیل بدل گیا۔ بی جے پی نے رجحانات میں کانگریس کو پیچھے کر دیا۔ ہریانہ میں کچھ سیٹوں پر زبردست ہلچل دیکھنے کو مل رہی ہے۔ امبالہ کینٹ سے انل وج، تھانیسر سے سبھاش سودھا، جولانہ سے ونیش پھوگاٹ، پنچکولہ سے گیان چند گپتا اور اوچنا سے دشینت چوٹالہ پیچھے ہیں۔ اس کے علاوہ آئی این ایل ڈی کو 3 سیٹوں پر برتری حاصل ہے۔

ونیش پھوگاٹ تیسرے راؤنڈ میں بھی پیچھے ہیں۔ اس کے علاوہ آئی این ایل ڈی امیدوار ابھے چوٹالہ اور بی جے پی امیدوار اسیم گوئل، سبھاش سودھا، بی جے پی امیدوار انل وج بھی پیچھے ہیں۔

جھجر سے کانگریس کی امیدوار گیتا بھوکل کا کہنا ہے کہ، "جس طرح جھجر اسمبلی حلقہ کے لوگوں نے اپنا آشیرواد اور حمایت دی ہے، مجھے امید ہے کہ میں یہاں سے بھاری اکثریت سے جیتوں گی۔ ہریانہ میں کانگریس کی حکومت بنے گی۔ ایگزٹ پول کانگریس کے حق میں ہیں لیکن مجھے لگتا ہے کہ یہ 'ایگزاکٹ پول' نہیں ہیں، ہم اس سے زیادہ سیٹوں کے ساتھ جیتیں گے۔