دہلی اسمبلی انتخابات: بی جے پی سینٹرل الیکشن کمیٹی کی میٹنگ میں باقی امیدواروں پر تبادلہ خیال

بی جے پی کی مرکزی الیکشن کمیٹی کی میٹنگ منعقد ہوئی جس میں باقی امیدواروں کے حوالے سے غور و خوص کیا گیا۔

نئی دہلی: بھارتیہ جنتا پارٹی کے دہلی اسمبلی انتخابات کے لیے 41 امیدواروں کی دوسری فہرست آج رات یا ہفتہ کو آ سکتی ہے، فہرست جاری کرنے سے پہلے بی جے پی نے کور گروپ کی میٹنگ طلب کی جس میں وزیر اعظم نریندر مودی کی صدارت میں پارٹی کی سینٹرل الیکشن کمیٹی باقی 41 حلقوں پر امیدواروں کے ناموں پر غور و خوص کررہی ہے۔ عام آدمی پارٹی نے تمام 70 سیٹوں پر اپنے امیدوار کھڑے کیے ہیں۔ بی جے پی کی پہلی فہرست آگئی ہے۔ کانگریس نے بھی تین فہرستیں جاری کی ہیں۔ اب بی جے پی میں دوسری فہرست پر سوچ بچار کیا جارہا ہے۔

ذرائع کے مطابق بہت جلد بی جے پی کی 41 امیدواروں پر مشتمل دوسری فہرست بھی جاری کردی جائے گی۔ بی جے پی کی مرکزی الیکشن کمیٹی کی میٹنگ وزیراعلم نریندر مودی کی قیادت میں منعقد ہوئی جس میں بی جے پی صدر جے پی نڈا، وزیر داخلہ امیت شاہ، راج ناتھ سنگھ نے بھی شرکت کی۔ اس کے علاوہ دہلی کے صدر وریندر سچدیوا اور انچارج وجیانت پانڈا کو بھی اس میٹنگ میں شامل تھے۔ پارٹی ذرائع کا کہنا ہے کہ پارٹی آج رات دیر گئے یا کل تک اپنی دوسری فہرست جاری کر دے گی۔