کس ملک کی کرکٹ ٹیم کی جرسی ہے سب سے سستی ہے، جانیے چیمپئنز ٹرافی کے تمام 8 ممالک کی جرسیوں کی قیمت

کئی ٹیموں نے چیمپئنز ٹرافی 2025 کے لیے اپنی جرسیوں کا اعلان کیا ہے۔آئیے جانتے ہیں تمام ٹیموں کی جرسیوں کی قیمت کیا ہے۔

حیدرآباد: چیمپئنز ٹرافی 2025 کا آغاز 19 فروری سے ہوگا۔ اس سے قبل ٹیموں نے تیاریاں شروع کر دی ہیں۔ ٹورنامنٹ کے لیے تمام ٹیمیں اپنی اپنی جرسییں بھی لانچ کر رہی ہیں۔ تو آئیے جانتے ہیں چیمپئنز ٹرافی میں ہر ٹیم کی جرسی کی قیمت کتنی ہے اور کس ٹیم کے پاس سب سے مہنگی اور سستی جرسی ہے۔ کئی ٹیموں کی جرسیاں باضابطہ طور پر لانچ کر دی گئی ہیں۔ اس کے علاوہ کچھ ٹیموں کی جرسیاں آئی سی سی کی ویب سائٹ پر دستیاب ہیں۔

ٹیم انڈیا کی جرسی

بی سی سی آئی کی جانب سے نئی ون ڈے جرسی کا اعلان کر دیا گیا ہے تاہم چیمپئنز ٹرافی کی آفیشل جرسی ابھی تک لانچ نہیں کی گئی۔ آئی سی سی کی ویب سائٹ پر ٹیم انڈیا کی چیمپئنز ٹرافی کی جرسی کی قیمت 4500 روپے ہے۔ ٹیم انڈیا کی نئی ون ڈے جرسی کی قیمت 5999 روپے ہے۔

📍 BCCI Headquarters, Mumbai

Mr Jay Shah, Honorary Secretary, BCCI & Ms Harmanpreet Kaur, Captain, Indian Cricket Team unveiled #TeamIndia's new ODI jersey 👏 👏@JayShah | @ImHarmanpreet | @adidas pic.twitter.com/YujTcjDHRO

— BCCI (@BCCI) November 29, 2024

پاکستان کرکٹ ٹیم کی جرسی

میزبان پاکستان کی جانب سے چیمپئنز ٹرافی 2025 کی جرسی جاری کر دی گئی ہے۔ پاکستان نے ٹورنامنٹ کی جرسی کی قیمت 40 امریکی ڈالر یعنی تقریباً 3500 روپے رکھی ہے۔

Presenting Pakistan team's official jersey for the ICC Champions Trophy 2025 🇵🇰🌟

Order now at https://t.co/TWU32Ta9wL 🛒#ChampionsTrophy | #WeHaveWeWill pic.twitter.com/iXZH4TVKqf

— Pakistan Cricket (@TheRealPCB) February 7, 2025

افغانستان کرکٹ ٹیم کی جرسی

افغانستان کی جانب سے چیمپئنز ٹرافی کی جرسی بھی سامنے آ گئی ہے۔ آئی سی سی کی ویب سائٹ پر افغانستان کی جرسی کی قیمت تقریباً 4500 بھارتی روپے رکھی گئی ہے۔

𝐏𝐫𝐞𝐬𝐞𝐧𝐭𝐢𝐧𝐠 𝐀𝐟𝐠𝐡𝐚𝐧𝐢𝐬𝐭𝐚𝐧'𝐬 𝐎𝐟𝐟𝐢𝐜𝐢𝐚𝐥 𝐉𝐞𝐫𝐬𝐞𝐲 𝐟𝐨𝐫 𝐭𝐡𝐞 𝐈𝐂𝐂 𝐂𝐡𝐚𝐦𝐩𝐢𝐨𝐧𝐬 𝐓𝐫𝐨𝐩𝐡𝐲 𝟐𝟎𝟐𝟓! 👕

Inspired by our rich cultural heritage, the jersey design beautifully blends the elegance of Naskh calligraphy with the geometric… pic.twitter.com/RHOcpxyEuW

— Afghanistan Cricket Board (@ACBofficials) January 30, 2025

آسٹریلیا، بنگلہ دیش، نیوزی لینڈ، انگلینڈ اور جنوبی افریقہ

چیمپئنز ٹرافی میں شریک آسٹریلیا، بنگلہ دیش، نیوزی لینڈ، انگلینڈ اور جنوبی افریقہ کی ٹیموں نے تاحال باضابطہ طور پر چیمپئنز ٹرافی کی جرسی کا اعلان نہیں کیا۔ تاہم ان ٹیموں کی چیمپئنز ٹرافی کی جرسیاں آئی سی سی کی عالمی ویب سائٹ پر دستیاب ہیں۔ ہر جرسی کی قیمت تقریباً 4500 ہندوستانی روپے ہے۔ اب یہ دیکھنا دلچسپ ہوگا کہ تمام ٹیمیں اپنی جرسیوں کا باضابطہ اعلان کب کرتی ہیں۔