بھارت جوڑو نیائے یاترا کا آج 37واں دن

Bharat Jodo Nyaya Yatra کانگریس رہنما راہل گاندھی کی قیادت میں جاری بھارت جوڑو نیائے یاترا آج ریاست اترپردیش کے شہر پرتاپ گڑھ سے شروع ہوچکی ہے یہ یاترا امیٹھی میں داخل ہوگی جہاں اکھلیش یادو بھی اس یاترا میں شامل ہوں گے۔

پرتاپ گڑھ: کانگریس کی بھارت جوڑو نیائے یاترا آج صبح 9 بجے پریاگ راج کے راستے پرتاپ گڑھ ضلع میں داخل ہوگئی۔ نیائے یاترا کو لے کر کانگریسی کارکنوں میں کافی جوش و خروش ہے۔ شہر کے مختلف مقامات پر راہل گاندھی کے ہورڈنگز لگائے گئے ہیں۔ دوپہر میں یاترا لال گنج کے راستے امیٹھی کے لیے روانہ ہوگی۔ مرکزی وزیر اسمرتی ایرانی بھی امیٹھی کے چار روزہ دورہ پر ہیں۔ امیٹھی کے بعد سفر کا اگلا پڑاؤ رائے بریلی ہوگا۔ سماج وادی پارٹی کے سربراہ اکھلیش یادو بھی راہل گاندھی کے ساتھ امیٹھی اور رائے بریلی میں موجود رہیں گے۔

نیائے یاترا اتوار کو پریاگ راج پہنچی تھی۔ یہ سفر سوراج بھون سے شروع ہوا۔ اس دوران رکن پارلیمنٹ راہل گاندھی نے جلسہ عام سے خطاب کیا۔ انہوں نے کہا کہ ملک میں 73 فیصد آبادی کو ان کے حقوق نہیں دیے جا رہے ہیں۔ بی جے پی حکومت صرف امیروں کو مالا مال کرنے کا کام کر رہی ہے۔

کانگریس کی بھارت جوڑو نیائے یاترا چندولی ضلع کے راستے اترپردیش میں داخل ہوئی تھی۔ یہ یاترا آج صبح پرتاپ گڑھ پہنچی۔ یہاں امیٹھی کے بعد اگلا پڑاؤ رائے بریلی ہوگا۔ ایس پی سربراہ اکھلیش یادو بھی امیٹھی اور رائے بریلی کے دورے میں حصہ لیں گے۔ مرکزی وزیر اسمرتی ایرانی بھی پیر کو امیٹھی میں موجود رہیں گی۔

سابق وزیراعلی اور ایس پی سربراہ اکھلیش یادو کو کانگریس صدر ملکارجن کھرگے نے یاترا میں شامل ہونے کی دعوت دی تھی۔ ایس پی کے قومی صدر اکھلیش یادو نے کانگریس کی بھارت جوڑو نیائے یاترا میں شامل ہونے کا دعوت نامہ قبول کر لیا تھا اور آج وہ یاترا میں شامل ہوں گے۔

کانگریس کے ترجمان انیل سنگھ نے کہا کہ مجوزہ پروگرام کے مطابق 19 فروری کو بھارت جوڑو نیائے یاترا پرتاپ گڑھ میں رام پور اسمبلی کے اتھیہا سے نکلے گی اور امیٹھی اسمبلی میں داخل ہوگی۔ امیٹھی اسمبلی کے کاکوا گوری گنج، گاندھی نگر، جیس، فرست گنج سے ہوتے ہوئے مہاراج پور سے رائے بریلی کے لیے روانہ ہوں گے۔ واضح رہے کہ راہل گاندھی کی قیادت میں بھارت جوڑو نیائے یاترا 25 جنوری کو منی پور سے شروع ہوئی تھی۔ یاترا مختلف ریاستوں اور اضلاع سے ہوتے ہوئے اترپردیش پہنچی۔ یہ یاترا مہاراشٹر کے دار الحکومت ممبئی میں اختتام پذیر ہوگی۔