علیزہ عباسی سی بی ایس سی بورڈ کے امتحان میں 98.4 فیصد کے ساتھ اسکول ٹاپر بنیں - CBSE Board Exam Result

Aliza Abbasi Topped In CBSE Board Exam مظفرنگر میں واقع ایم جی پبلک اسکول کی طلبہ علیزہ عباسی (سائنس اسٹریم) میں 98.4 فیصد مارکس حاصل کرتے ہوئے اسکول میں ٹاپر بنیں۔ والدین کے ساتھ ساتھ اسکول کے اساتذہ اور رشتہ داروں نے علیزا عباسی کی کامیابی پر خوشی کا اظہار کیا۔

مظفر نگر:سی بی ایس سی بورڈ امحتان میں نمایاں کارنامہ انجام دینےپر علیزہ عباسی کے والد ڈاکٹر عبدالقادر اور والدہ افسانہ عباسی کا کہنا ہے کہ بیٹی کی کامیابی کے پیچھے اساتذہ اور ہماری دعائیں ہیں۔ بیٹی نے کڑی محنت کی اور اس کا پھل اسے ملا۔

وہی اسکول ٹاپر علیزہ عباسی نے کہا کہ میں نے سی بی ایس سی ہائی اسکول کے امتحان میں بھی اسکول ٹاپ کیا تھا۔ میں روزانہ 12 سے 14 گھنٹے پڑھتی ہوں۔میرے والدین پڑھائی میں بھرپور تعاون کرتے ہیں کیونکہ میرے والد جو پیشے سے ایک ڈاکٹر ہیں وہ چاہتے تھے کہ میں ٹاپ کروں اور ڈاکٹر بنوں ۔یہی وجہ ہے کہ میں نے انٹرمیڈیٹ امتحان کے ساتھ ساتھ نیٹ کی تیاری کر رہی ہوں۔

انہوں نے کہاکہ میری اس کامیابی سے میرے سبھی اساتذہ ،دوستوں اور رشتہ دار بہت خوش ہیں ۔مبارکباد دے رہے ہیں۔ انہوں نے بتایا کہ نیٹ ایگزام پاس کر کے میں ڈاکٹر بننا چاہتی ہوں اور ملک کا نام روشن کرنا چاہتی ہوں۔

ڈاکٹر عبدالقادر عباسی نے کہا کہ میں اللہ کا شکر ادا کرتا ہوں کہ اللہ نے میری بیٹی کو سی بی ایس سی کی انٹرمیڈیٹ ایگزام میں ٹاپ کرایا۔ میری بیٹی کی دلی خواہش ہے کہ وہ ڈاکٹر بنے۔ یہی وجہ ہے کہ اس نے انٹرمیڈیٹ ایگزام کے ساتھ ساتھ نیٹ کی تیاری کر رہی ہے ۔اس کے نتائج جلدی ہی آئیں گے۔