اجمیر درگاہ انجمن کے انتخابات مکمل، نئی کمیٹی تشکیل - Ajmer dargah Anjuman Election

اجمیر درگاہ انجمن کے انتخابات کے بعد نئی مجلس عامہ کی تشکیل عمل میں آئی جس میں امین کی قیادت والی جماعت نے کامیابی حاصل کی۔ حاجی شیخ عظیم چشتی کو انجمن کا صدراور حاجی شیخ فہیم احمد چشتی کو سیکریٹری منتخب کیا گیا ہے۔

اجمیر: عالمی شہرت یافتہ زیارت گاہ حضرت خواجہ غریب نواز رحمۃ اللہ علیہ کی درگاہ خدام خواجہ کی انجمن شیخ زادگان کی منیجنگ کمیٹی کا انتخاب عمل میں آیا۔ ہائی کورٹ کے حکم پر ہونے والے انتخابات میں برادری نے 3 سال کے لیے موجودہ کمیٹی امین صاحب پارٹی کو دوبارہ موقع دیا ہے۔ اس میں حاجی شیخ عظیم محمد چشتی صدر اور حاجی شیخ فہیم احمد چشتی سیکرٹری کے عہدے پر منتخب ہوئے ہیں۔

نائب صدر کے عہدے کے لیے شیخ عبدالکلام چشتی، جوائنٹ سیکریٹری عمران محمد چشتی اور خزانچی حاجی امجد حسین کا انتخاب کیا گیا۔ انجمن منیجنگ کمیٹی کے ممبر میں حاجی اظہار محمد چشتی، اسرار احمد چشتی، رفیق احمد چشتی، لیاقت علی چشتی، حاجی عبدالواسع چشتی اور محمد حسین چشتی شامل ہیں۔

انجمن کے انتخابات میں کل 23 امیدوار میدان میں تھے۔اس میں موجودہ حکمراں جماعت کے 8 امیدوار کامیاب ہوئے۔ اسی طرح 4 امیدواروں نے 117۔117 ووٹ حاصل کیے تھے۔اس کے بعد الیکشن کمیٹی نے تمام لوگوں کی رضامندی سے قرعہ اندازی کا طریقہ اختیار کیا۔اس بنیاد پر کمیٹی کے 11 ارکان مکمل ہوئے۔ امین صاحب کی قیادت والی پارٹی اب انجمن خدام خواجہ شیخ زادگان کی کمیٹی میں 3 سال تک کام کرنے کی ذمہ داری سنبھالے گی۔