سماجی تنظیم انصار فاؤنڈیشن کی جانب سے کیریئر گائڈینس پروگرام کا انعقاد عمل میں لایا گیا - Social organization Ansar Foundation

سماجی تنظیم انصار فاؤنڈیشن کی جانب سے ایک کیریئر گائڈینس پروگرام کا انعقاد کیا گیا۔ جس میں بڑی تعداد میں طلباء و طالبات نے شرکت کی۔ جس میں مکمل تعلیمی جانکاری دی گئی تاکہ طلباء اعلیٰ تعلیم حاصل کرکے اپنے لیے بہتر روز گار حاصل کر سکیں۔

میرٹھ: میرٹھ میں سطح غربت سے نیچے زندگی بسر کر نے والے پسماندہ طبقات کے بچوں کو اعلیٰ تعلیم کے ساتھ مقابلہ جاتی امتحانات کی جانب راغب کرنے کے لیے سماجی تنظیم انصار فاؤنڈیشن کی جانب سے ایک کیریئر گائڈینس پروگرام کا انعقاد کیا گیا۔جس میں بڑی تعداد میں طلباء و طالبات نے شرکت کی۔جس میں مکمل تعلیمی جانکاری دی گئی۔ تاکہ طلباء اعلیٰ تعلیم حاصل کر اپنے لیے بہتر روز گار حاصل کر سکے۔ اس پروگرام میں کاؤنسلنگ پروگرام کا بھی اہتمام کیا گیا۔جس میں ماہرین نے طلباء کے روشن مستقبل کے لیے گائیڈ کرتے ہوئے تعلیمی کورسس کی مکمل جانکاری دی۔ساتھ ہی اسکالرشپ کے بارے میں بھی جانکاری دی۔ کہ وہ کس طرح اسکالر شپ کے لیے اہل ہو سکتے ہیں، اور اس کا پروسس کیا ہے۔

سماجی تنظیم انصار فاؤنڈیشن کی جانب سے کیریئر گائڈینس پروگرام کا انعقاد عمل میں لایا گیا (ETV BHARAT)

میرٹھ میں جس طرح سے سماجی تنظیم انصار فاؤنڈیشن مسلم سماج کے کمزور اور بےسہارا طلباء کے مستقبل کو روشن بنانے کے لیے مہم چلا رہی ہے وہ قابل ستائش ہے ضرورت ہے سماج کے صاحب حیثیت لوگوں کو بھی وہ آگے آئے اور مالی طور پر امداد کرے، تاکہ ہماری قوم کے غریب اور بے سہارا بچوں کا مستقبل روشن ہو ، کم عمر میں ان کو تعلیم ترک کرنے سے روکا جائے تاکہ وہ بہ آسانی اچھے روزگار حاصل کر کے، اپنے اہل خانہ کی کفالت کر سکے۔