پیرس: پیرس اولمپکس میں بھارت کے اسٹار شوٹر سوپنل کسالے نے 50 میٹر ایئر رائفل تھری پوزیشنز کے انفرادی مقابلے میں کانسے کا تمغہ جیت کر بھارت کو تیسرا میڈل دلا دیا ہے۔ اس سے پہلے بھارت نے شوٹنگ میں دو کانسے کا تمغہ جیت چکا ہے۔ اس میڈل کے ساتھ پیرس اولمپکس میں بھارت کے میڈل کی مجموعی تعداد تین ہوگئی ہے۔
اس کے ساتھ ہی سوپنل کسالے اولمپک میں تمغہ جیتنے والے بھارت کے ساتویں شوٹر اور 50 میٹر رائفل تھری پوزیشن کے انفرادی مقابلے میں تمغہ جیتنے والے پہلے کھلاڑی بن گئے ہیں۔ سوپنل کسالے کی شاندار کارکردگی کے بعد سوشل میڈیا پر وزیراعظم مودی اور صدر دروپدی مرمو سمیت تمام عام و خاص لوگ انہیں مبارکباد پیش کر رہے ہیں۔ وزیراعظم نریندر مودی نے سوپنل کسالے کی غیر معمولی کارکردگی پر مبارکباد دیتے ہوئے لکھا کہ ان کی کارکردگی خاص ہے کیونکہ انھوں نے بہترین لچک اور مہارت دکھائی ہے۔ وہ اس زمرے میں تمغہ جیتنے والے پہلے بھارتی کھلاڑی بھی ہیں، ہر بھارتی اس وقت خوشی سے جھوم رہا ہے۔
اس کے علاوہ صدر دروپدی مرمو نے بھی انہیں مبارکباد دیتے ہوئے لکھا کہ پیرس اولمپکس میں کانسے کا تمغہ جیتنے پر سوپنل کسالے کو دلی مبارکباد۔ وہ مردوں کی 50 میٹر رائفل 3 پوزیشن کے زمرے میں تمغہ جیتنے والے پہلے بھارتی بن گئے ہیں اور یہ پہلا موقع ہے جب بھارت نے ایک ہی اولمپک کھیلوں میں شوٹنگ کے مقابلوں میں تین تمغے جیتے ہیں۔ شوٹنگ نے ہندوستان کا سر فخر سے بلند کیا ہے۔ میں آنے والے مقابلوں کے لیے اپنے تمام کھلاڑیوں کو نیک خواہشات پیش کرتی ہوں۔ میری خواہش ہے کہ سوپنل کسالے مستقبل میں مزید تمغے جیتیں۔
اولمپکس گولڈ مدلسٹ ابھینو بندرا نے بھی بھی سوپنل کو مبارکباد دی۔ انھوں نے لکھا کہ میں پیرس اولمپکس میں شوٹنگ میں سوپنل کے کانسے کا تمغہ جیتنے پر بہت پرجوش ہوں۔ آپ کی محنت، صبر اور جذبہ واقعی رنگ لائی ہے۔ شوٹنگ میں تمغے جیتنا آپ کی لگن اور قابلیت کا منہ بولتا ثبوت ہے۔ آپ نے بھارت کو اتنا فخر محسوس کرایا اور سب کو دکھایا کہ خوابوں کو تعبیر کیسے کیا جاتا ہے۔ پیرس اولمپکس ایک ناقابل یقین ایونٹ رہا ہے اور آپ کی کامیابی اس کے ناقابل فراموش لمحات میں اضافہ کرتی ہے۔ آپ کو بہت سی فتوحات اور ایک شاندار مستقبل کے لیے نیک خواہشات، چمکتے رہیں۔