شادی کی افواہ کے درمیان منو بھاکر کی والدہ نے نیرج چوپڑا کے بارے میں کیا کہا؟ - Neeraj Maan Marriage Rumors

پیرس اولمپکس کے درمیان ایک ویڈیو کافی زیادہ وائرل ہوئی تھی جس ویڈیو میں منو بھاکر کی ماں نیرج چوپڑا کے ساتھ گفتگو کرتی ہوئی نظر آرہی تھیں۔ لیکن اس وقت یہ نہیں معلوم ہوسکا تھا کہ منو بھاکر کی ماں سومیدھا بھاکر نے نیرج سے کیا گفتگو کی، لیکن اب انھوں نے اس کے بارے میں بڑا انکشاف کیا ہے۔

نئی دہلی: پیرس اولمپکس 2024 کے بعد نیرج چوپڑا کی منو بھاکر اور ان کی والدہ سومیدھا بھاکر کے ساتھ گفتگو کے دو مختلف ویڈیوز سوشل میڈیا پر وائرل ہوئی تھی۔ ان ویڈیوز نے نیرج چوپڑا اور منو بھاکر کے درمیان افیئرز کی افواہوں کو ہوا دی اور ان دونوں کی شادی کے بارے میں بات چیت بھی تیز ہوگئی۔

منو بھاکر کی والدہ سومیدھا بھاکر اور نیرج چوپڑا کی ملاقات کی اس ویڈیو پر لوگوں نے مذاق کرتے ہوئے کمینٹ کیا کہ وہ جیولین تھرو اسٹار سے یہ جاننے کے لیے بات کر رہی ہیں کہ آیا وہ ان کی بیٹی کے لیے موزوں پارٹنر ہے یا نہیں۔ منو کے والد رام کشن بھاکر کی شادی کی افواہوں پر وضاحت کے بعد اب منو کی ماں سومیدھا نے نیرج کے ساتھ اپنی بات چیت کے بارے میں بات کی ہے۔

منو کی ماں نے کیا کہا؟

اتوار کو پیرس گیمز کی اختتامی تقریب کے بعد بھارتی دستہ کی وطن واپسی کے بعد پی ٹی آئی سے بات کرتے ہوئے سومیدھا نے کہا کہ وہ نیرج سے مل کر بہت خوش ہیں، جو ان کے لیے ایک بیٹے کی طرح ہیں۔ سومیدھا نے مزید کہا کہ میں اس (منو بھاکر) کے لیے خوش ہوں۔ میں کھلاڑیوں کے لیے بھی خوش ہوں۔ جب میں پیرس گئی تو ہاکی ٹیم، امن سہراوت، نیرج چوپڑا سے ملاقات ہوئی۔ میں ان سب کے لیے بہت خوش تھی۔ میں امید کرتی ہوں کہ یہ تمام کھلاڑی تمغے جیتتے رہیں اور اس ملک کی تمام مائیں اسی طرح خوش ہوتی رہیں۔

واضح رہے کہ اس سے پہلے روزنامہ بھاسکر سے بات کرتے ہوئے منو کے والد نے کہا تھا کہ منو ابھی بہت چھوٹی ہے۔ ابھی اس کی شادی کے بارے میں سوچنا بھی نہیں۔ نیرج سے بات کرتے ہوئے سومیدھا کے ویڈیو کے بارے میں بات کرتے ہوئے انہوں نے کہا تھا کہ منو کی ماں نیرج کے ساتھ اپنے بیٹے کی طرح برتاؤ کرتی ہے۔