Published : Aug 3, 2024, 4:34 PM IST
|Updated : Aug 3, 2024, 10:35 PM IST
پیرس (فرانس): پیرس اولمپکس 2024 کے 7ویں روز محبت سے بھرپور منظر دیکھنے کو ملا۔ جمعہ کو چینی بیڈمنٹن کھلاڑی لیو یوچن نے گولڈ میڈل جیتنے کے بعد اپنی شٹلر گرل فرینڈ ہوانگ یاکیونگ کو گھٹنے کے بل پرپوز کیا۔
اولمپکس میں محبت کا اظہار
یہ تجویز اس وقت سامنے آئی جب ہوانگ یاکیونگ نے مکسڈ ڈبلز کے فائنل میں اپنے جنوبی کوریائی حریف کو شکست دے کر زینگ سیوئی کے ساتھ گولڈ میڈل جیتا تھا۔ جس کی ویڈیو سوشل میڈیا پر وائرل ہو رہی ہے۔
ایک گھٹنے کے بل بیٹھ کرپرپروز کیا
جمعہ کو اپنے ساتھی زینگ سیوئی کے ساتھ بیڈمنٹن مکسڈ ڈبلز میں ٹاپ پوزیشن حاصل کرنے کے بعد، ہوانگ یا کیونگ کو اس کے بوائے فرینڈ لیو یوچین نے پرپوز کیا تھا۔ تمغے کی پیشکش کے بعد لیو پھولوں کے ساتھ ہوانگ کا انتظار کر رہے تھے، جیسے ہی وہ پہنچی، لیو فرش پر ایک گھٹنے کے بل بیٹھ گیا۔ جیسے ہی اس نے شادی کے لیے پرپوز کرنے کے لیے انگوٹھی نکالی تو ہوانگ حیران رہ گئی۔
گولڈ میڈلسٹ شٹلر نے کہا ہاں
چینی مینز ڈبلز بیڈمنٹن کھلاڑی لیو یوچن نے اپنی گرل فرینڈ ہوانگ یاکیونگ کو پرپوز کیا جو کہ ایک مکسڈ ڈبلز کھلاڑی ہے۔ ہوانگ یاکیونگ اس پروپوزل سے بہت متاثر ہوئی اور فوراً ہاں کہہ دیا۔ مداحوں نے اسے پسند کیا اور ویڈیو کو سوشل میڈیا پر وائرل کردیا۔
