جب گوتم گمبھیر کے سامنے کے کے آر کا مداح رونے لگا - IPL 2024

KKR Fan on Gautam Gambhir: کولکاتا میں ایک پروگرام کے دوران کولکاتا نائٹ رائڈرس کے سابق کپتان اور موجودہ منٹور گوتم گمبھیر کے سامنے ایک مداح رونے لگا۔ مداح نے روتے ہوئے گوتم گمبھیر سے کولکاتا نائٹ رائڈرس کو دوبارہ چھوڑ کر نہ جانے کی اپیل کی۔

کولکاتا:ہندوستانی کرکٹ ٹیم کے سابق سلامی بلے باز گوتم گمبھیر کی کولکاتا واپسی کے بعد کے کے آر ایک بار پھر شاندار کارکردگی کا مظاہرہ کر رہی ہے۔رواں آئی پی ایل میں کے کے آر پہلی پوزیشن پر رہتے ہوئے پلے آف میں جگہ بنانے والی پہلی ٹیم بنی۔ کولکاتا میں منعقدہ ایک پروگرام کے دوران ان کے ایک پرستار نے انہیں وہاں (کے کے آر) سے نہ جانے کی التجا شروع کر دی۔

کولکاتا نائٹ رائڈرز کے لیے دو بار کپتان کی حیثیت سے ٹرافی جیتنے والے گوتم گمبھیر کا کے کے آر کے شائقین کے دلوں میں ایک خاص مقام ہے۔ دو سال کے بعد کولکاتا واپس آنے کے بعد کے کے آر ایک بار پھر پوائنٹس ٹیبل پر سرفہرست ہے اور شاندار کارکردگی کا مظاہرہ کر رہی ہے۔ ٹیم اب تک 11 میں سے 8 میچ جیت چکی ہے۔

کولکاتا نائٹ رائڈرز نے ایک ویڈیو شیئر کیا ہے۔ اس میں کے کے آر کا ایک پرستار کھڑا ہوتا ہے اور بولتے ہوئے رونے لگتا ہے۔ وہ کہتا ہے کہ میں آپ کا بہت بڑا فین ہوں، پھر وہ مزید رونے لگتا ہے اور کہتا ہے کہ میں آپ سے کہنا چاہتا ہوں کہ مجھے چھوڑ کر مت جانا۔ انہوں نے کہا کہ آپ کے جانے سے ہمیں جو تکلیف ہوئی ہے ہم آپ کو بیان نہیں کر سکتے۔

اس کے بعد گوتم گمبھیر کے اس مداح نے بنگالی گانے میں ان کے لیے اپنی محبت کا اظہار کیا۔ مداح کا کہنا ہے کہ 'تم میرا دل ہو اور ہم تمہیں اپنے دل میں رکھتے ہیں۔ آپ ہمیں کبھی نہیں چھوڑیں گے۔ کبھی تکلیف نہ دیں۔ ہم آپ کو کبھی نہیں چھوڑنا چاہتے پلیز سر پلیز سر۔

یہ ویڈیو کچھ ہی دیر میں سوشل میڈیا پر کافی وائرل ہو گئی اور مداح بھی اس پر ردعمل کا اظہار کر رہے ہیں۔ غور طلب ہے کہ گوتم گمبھیر نے دو سال قبل کولکاتا کو چھوڑ کر چلے گئے تھے ۔وہ لکھنؤ سپر جائنٹس کے مینٹور بن گئے تھے۔اس کے بعد کے کے آر کی ٹیم ٹاپ-4 میں بھی جگہ نہیں بنا سکی تھی۔