معروف اطالوی فٹبالر سالواٹور شیلاسی کا 59 سال کی عمر میں انتقال - Italy footballer passed away

اطالوی فٹ بال اسٹار سلواٹور شلاسی بدھ کو 59 سال کی عمر میں انتقال کر گئے۔ اسٹار فٹبالر 2022 سے کینسر کے مرض میں مبتلا تھے۔ 1990 کے فیفا ورلڈ کپ میں قومی ٹیم کے لیے چھ گول کرنے کی وجہ سے انھیں گولڈن بوٹ سے نوازا گیا تھا۔

حیدرآباد: اطالوی فٹ بال اسٹار سالواٹور شیلاسی 59 سال کی عمر میں انتقال کرگئے۔ شلاسی، جنہیں 'ٹوٹو' کے نام سے بھی جانا جاتا تھا، نے 1990 کے فیفا ورلڈ کپ میں قومی ٹیم کے لیے چھ گول کیے تھے جس کی وجہ سے انھیں گولڈن بوٹ سے نوازا گیا تھا۔

اس وقت ٹورنامنٹ کے سیمی فائنل میں اٹلی کو شکست ہوگئی تھی لیکن شلاسی کو بہترین کھلاڑی کے طور پر گولڈن بال سے نوازا گیا۔ اسٹار فٹ بالر کو 2022 میں بڑی آنت کے کینسر کی تشخیص ہوئی تھی اور کینسر کے ساتھ اس بہادر کھلاڑی کی موت واقع ہوگئی۔

شلاسی میسینا، جووینٹس، انٹر میلان جیسے کلبوں کے لیے کھیل چکے ہیں لیکن شائقین شلاسی کو 1990 کے ورلڈ کپ کے لیے یاد رکھیں گے۔ ٹوٹو کی موت پر ان کے کلب یووینٹس نے ایک بیان میں لکھا، 'ہمیں ٹوٹو سے بہت کم وقت میں پیار ہو گیا۔ ان کی ناقابل تسخیر قوت ارادی اور فٹ بال کے لیے ان کا جنون ہر میچ میں صاف نظر آتا تھا۔

شلاسی نے جووینٹس کے لیے 90 میچوں میں 26 گول کیے، جس کے بعد انھوں نے انٹر میلان کے لیے 30 میچوں میں 11 گول کیے، اگرچہ ملکی جرسی میں ان کا کیریئر زیادہ طویل نہیں تھا، لیکن شلاسی نے کلب فٹ بال میں چار سو سے زائد میچز کھیلے۔ ان کے کیریئر میں اسکور کیے گئے گولوں کی تعداد 150 سے زیادہ ہے۔

شلاسی نے 1990 کے ورلڈ کپ میں شہرت حاصل کی کیونکہ اس نے ٹیم کے لیے چھ گول کیے جن میں ارجنٹائن کے خلاف سیمی فائنل اور انگلینڈ کے خلاف تیسری پوزیشن کے پلے آف میچ میں اہم گول شامل تھے۔ وہ 1999 میں پروفیشنل فٹ بال سے ریٹائر ہوئے۔