برج ٹاون: ایک بڑے اپ سیٹ میں افغانستان نے ٹی20 ورلڈ کپ 2024 کے سیمی فائنل کے لیے کوالیفائی کر لیا ہے۔ اس کے لیے افغانستان نے پہلے آسٹریلیا جیسی مضبوط ٹیم کو شکست دی اور پھر بنگلہ دیش کو شکست دے کر ریکارڈ بنایا۔تاریخ میں پہلی بار کسی ٹورنامنٹ کے سیمی فائنل میں جگہ بنائی۔
- افغانستان کا سفر کیسا رہا؟
افغانستان نے اس ٹی20 ورلڈ کپ میں اپنی مہم کا آغاز یوگنڈا کے خلاف جیت کے ساتھ کیا۔ جہاں اس نے یوگنڈا کو 125 رنوں سے شکست دی۔ افغانستان نے پہلے بیٹنگ کرتے ہوئے 5 وکٹوں کے نقصان پر 183 رنز بنائے اور یوگنڈا کی ٹیم 16 اوورز میں 58 رنوں پر آل آؤٹ ہوگئی۔
افغانستان گروپ سی میں نیوزی لینڈ اور ویسٹ انڈیز جیسی ٹیموں کے خلاف کھیلنے کے بعد یہاں تک پہنچا ہے۔ دوسرے گروپ میچ میں افغانستان نے نیوزی لینڈ کے خلاف شاندار کھیل کا مظاہرہ کرتے ہوئے اسے 84 رنوں سے شکست دی۔ جہاں انہوں نے پہلے بیٹنگ کرتے ہوئے 159 رن بنائے اور پھر 75 کے اسکور پر کیوی ٹیم کو پویلین بھیج دیا۔
اس کے بعد تیسرے میچ میں افغانستان نے پاپوا نیو گنی کو 7 وکٹوں سے شکست دی۔ تاہم چوتھے میچ میں افغانستان کو ویسٹ انڈیز کے ہاتھوں بری طرح شکست کا سامنا کرنا پڑا۔ ویسٹ انڈیز نے پہلے بیٹنگ کرتے ہوئے 5 وکٹوں کے نقصان پر 218 رن بنائے جس کے جواب میں افغانستان کی ٹیم 114 رنوں پر ڈھیر ہوگئی۔
چار میں سے تین میچ جیتنے کے بعد افغانستان نے سپر ایٹ کے لیے کوالیفائی کیا اور نیوزی لینڈ جیسی عظیم ٹیم کا سفر یہیں ختم ہوا۔
- سپر ایٹ میں افغانستان کی کارکردگی