بانڈی پورہ میں آتشزدگی: ایک بیکری سمیت دو رہائشی مکانات جل کر تباہ - Two houses and shop gutted in fire

Two houses and shop gutted in fire بانڈی پورہ کے دو خاندانوں کی عید کی خوشیاں غم میں بدل گئیں، محمد سلطان گنائی اور غلام محمد گنائی نامی مقامی لوگوں کے مکانات اور ایک دُکان نذرآتش ہونے سے نہیں بچا سکے۔ البتہ مقامی لوگوں اور فائر ٹینڈرز نے مل کر باقی کے گھروں کو اور دکانوں کو نذرِآتش ہونے سے بچا لیا۔

بانڈی پورہ: وادی کے کچھ حصوں میں شوال کا چاند نظر آنے کی تصدیق کے بعد، ہر کوئی اپنے اہل خانہ کے ساتھ عید منانے کے لئیے پرجوش تھا، لیکن اشٹینگو گاؤں میں رات کو آگ لگنے کی ایک واردات سے دو رہائشی مکانات اور ایک بیکری کی دکان جل کر خاکستر ہو جانے کے بعد ایل خانہ کی تقریبات خاک میں مل گئیں۔

مقامی افراد نے اس واقع کی تفصیلات بتاتے ہوئے کہا کہ بیکری کی دکان میں نصف شب کے قریب 2:30 بجے آگ بھڑک اٹھی اور کچھ ہی دیر بعد آناً فاناً مقامی لوگوں کی کوششوں کے باوجود محمد سلطان گنائی اور غلام محمد گنائی نامی مقامی لوگوں کے مکانات نظر آتش ہونے سے نہیں بچا سکے۔ ان رہائشیوں کے دونوں مکانات جل کر خاکستر ہوگئے۔ حالانکہ مقامی افراد نے آگ بجھنے کی ہر ممکن کوشش تو کی لیکن دو رہائشی مکانوں اور ایک دکان کو آگ کی ہولناک تباہی سے نہیں بچا سکے۔

اس واقع نے ان بے حد پسماندہ اورغریب خاندانوں کو بے گھر کر دیا ہے اور ان انکو حکومت سے امید ہے کہ وہ کچھ ان کی مدد کرے تاکہ وہ دونوں اپنے اپنے آشیانے پھر سے بنوا سکیں۔ تاہم مقامی لوگوں اور فائر ٹینڈرز کی بھرپور کوششوں کے بعد حمد سلطان گنائی اور غلام محمد گنائی کے گھروں کو چھوڑ کر باقی کے گھروں کو نظرِ آتش ہونے سے بچا لیا۔
آگ لگنے کی وجہ کا فوری طور پر پتہ نہیں چل سکا۔
علاقے کے مقامی باشندوں نے حکام سے اپیل کی ہے کہ ان خاندانوں کو معاوضہ دیا جائے تاکہ انہیں دوبارہ اپنے گھروں اور اہل وعیال کو بسانے اور زندگی کی ایک اور ابتداع کرنے میں مدد مل سکے۔