پونچھ میں ڈوڈا پیرؒ کا عرس مبارک اختتام پذیر - Dhoda urs Concludes

سرحدی ضلع پونچھ کے ڈوڈا علاقے میں عرس پاک میں ہزاروں عقیدت مندوں نے شرکت کی۔

پونچھ (جموں کشمیر) :ضلع پونچھ کے سرحدی علاقہ ڈوڈا، منڈی میں ڈوڈا پیر رحمت اللہ علیہ کا عرس اس بار بھی دو روز تک انتہائی عقیدت و احترام کے ساتھ منایا گیا۔ عرس میں ضلع پونچھ کے علاوہ صوبہ جموں کے مختلف علاقوں سے آئے عقیدت مندوں نے شرکت کی۔ اس موقع پر انتظامیہ کی جانب سے سیکورٹی کے تمام تر انتظامات کیے گئے تھے۔

عرس کے موقع پر قرآن خوانی، ختمات المعظمات، درود و اذکار اور نعت و منقبت کی محافل آراستہ کی گئیں۔ حسب روایت عرس پاک کے پہلے روز قرآن خوانی، ختمات المعظمات، درود و اذکار کی محفل منعقد ہوئیں۔ جبکہ دوسرے روز علماء کرام کے بیانات ہوئے جنہوںں ڈوڈا پیر رحمہ اللہ کی سوانح حیات پر روشنی ڈالی۔ علاوہ ازیں اجتماعی طور پر دعائیہ مجالس کا بھی اہتمام کیا گیا۔

علماء کرام، خطباء نے اولیاء اللہ کی سیرت پر روشنی ڈالتے ہوئے عوام سے ان بزرگوں کے نقشِ قدم پر چلنے کی تلقین کی۔ عرس کے اختتام پر عالم اسلام اور بالخصوص کشمیر میں امن و سلامتی اور بھائی چارے کے لیے دعا کی گئی۔ اس موقع پر انتظامیہ کمیٹی کی جانب سے زائرین کے لیے خصوصی انتظامات بہم رکھے گئے تھے جس پر زائرین نے ان کی ستائش کی۔ تاہم آستان عالیہ تک کچی سڑک کے حوالہ سے انہوں نے شکایات کیں۔