گاندربل: وسطی کشمیر کے گاندربل ضلع کے چیروان پرابل علاقے کے قریب تقریبا 12 بج کر 45 منٹ پر بادل پھٹنے سے مٹی کے تودے شاہراہ پر گر گئے۔ جس سے سرینگر-لیہہ شاہراہ اتوار کے روز بند کر دیا گیا ہے۔
مٹی کے تودے گرنے سے سرینگر لیہہ شاہراہ بند (Video: Etv Bharat)
اس حادثے سے علاقے میں خوف و دہشت کا ماحول پیدا ہو گیا ہے۔ واضح رہے کہ اس سے قبل بھی اسی مقام پہ مٹی کے تودے گرنے سے کافی نقصان ہوا تھا۔ آج پھر اسی جگہ پہ مٹی کے تودے گرنے سے علاقے میں ڈر کا ماحول پیدا ہو گیا ہے۔
اس حادثے سے متعلق ایک عہدیدار نے بتایا کہ چیروان پرابل علاقے کے قریب بادل پھٹنے سے مٹی کے تودے گرے ہیں۔ انہوں نے کہا کہ مٹی کے تودے گرنے کی وجہ سے سرینگر لیہ شاہراہ بند ہو گئی، جس کے بعد سڑک پر ٹریفک معطل ہو گئی۔ عہدیدار نے بتایا کہ ریسکیو ٹیمیں موقع پر پہنچ گئی ہیں اور سڑک کو بحال کرنے کی کوششیں کی جارہی ہیں۔