شب قدر میں قرآن خوانی کا خاص اہتمام کیا جائے:مولانا قطب الدین ترالی - Shabi Qader has importance in islam

Maulana Qutubuddin Reaction دارلعلوم نور السلام کے مہتمم مولانا قطب الدین نے رمضان المبارک کے مہینے میں شب قدر میں قرآن خوانی کا خاص اہتمام کیا جائے۔رمضان المبارک کا آخری عشرہ مسلمانوں کے لئے تمام تر اعتبار سے اہمیت کا حامل ہے۔

ترال:جنوبی کشمیر کے معروف عالم دین مولانا قطب الدین نے ای ٹی وی بھارت سے بات چیت کرتے ہوئے کہا کہ شب قدر کی دین اسلام میں بڑی فضیلت آئی ہے۔ قرآن پاک نے بیان کیا ہے کہ شب قدر ہزار مہینوں سے بہتر ہے۔ اس لیے مسلمانوں کو چاہیے کہ اس رات میں عبادات اور استغفار کا خصوصی اہتمام کریں۔ کیونکہ اس رات کا ایک ایک لمحہ قیمتی اور انمول ہے۔

ان کا کہنا تھا کہ یہ وہ عظیم شب ہے میں نبی برحق حضرت محمدِ مصطفیٰ صلی اللہ علیہ و آلہ و سلم پر قرآن نازل ہوا ہے جب کہ حدیث پاک میں آیا ہے کہ رسولُ اللہ صلَّی اللہ تعالٰی علیہ واٰلہٖ وسلَّم نے اِرشاد فرمایا کہ جو شخص شبِ قدر میں ایمان و اخلاص کے ساتھ عبادت کرے تو اس کے پچھلے گناہ بخش دیے جائیں گے۔

یہ بھی پڑھی:Shab e Qadr in Kashmir شب قدر مغفرت اور نجات کی رات

مولانا قطب الدین نے مزید کہا کہ اس لیے ہمیں مقدس رات کی اہمیت کو سمجھنے کی ضرورت ہے۔ رات فضولیات میں گزارنی نہیں چاہیے۔ یہ رات تو عبادات کی رات ہے۔ اس رات سنت کے مطابق انفرادی طور قرآن کی تلاوت کا خصوصی اہتمام ہونا چاہیے جب کہ قیام الیل اور استغفار کا بھی اہتمام ضروری ہے۔ ان راتوں میں کی گئی عبادت بہت اہم ہے۔