گاندربل:پتی رام پورہ شفاء کدل گاندربل میں موجود سڑک کے کنارے پر موجود کئی بوسیدہ چنار کے درخت خطرے کا باعث بن گئے ہیں۔ اطلاع کے مطابق ضلع گاندربل کے بیہامہ صفاپورہ مین روڈ پر پتی رام پورہ شفاء کدل کے مقام پر کئی چنار کے پیڑ موجود ہیں۔ جو کافی بوسیدہ ہو گئے ہیں۔ جس کی ٹہنیاں گرنا شروع ہوگئی ہیں۔ چنار کے یہ درخت کبھی بھی گر بھی سکتے ہیں جس سے کوئی بڑا حادثہ پیش آسکتا ہے۔
ایک مقامی دکاندار محمد اشرف نے بتایا کہ یہ چنار کے پیڑ بوسیدہ ہو گئے ہیں اور اس کی شاخیں ٹوٹ کر گر رہی ہیں اور چند روز قبل اس چنار کی ایک شاخ گر گئی تھی جس کی زد میں ایک ماروتی گاڑی آگئی تھی۔ لیکن گاڑی میں سوار لوگ معجزیاتی طور بچ گئے تاہم گاڑی کا فرنٹ شیشہ ٹوٹ گیا۔ اس کے علاوہ گاڑی کو مزید نقصان پہنچا۔ انہوں نے کہا کہ اگر چہ چنار جانداروں کے لئے کافی اہمیت کا حامل ہے۔ تاہم یہ بوسیدہ چنار ایک بڑے حادثے کا موجب بن سکتا ہے۔