پلوامہ: ترچھ علاقے کے لوگ آج بھی پینے کے صاف پانی سے محروم ہیں (Video: Etv Bharat)
پلوامہ: مرکزی سرکار جہاں جل جیون مشن کے تحت جموں وکشمیر میں پینے کا صاف پانی فراہم کرنے کا دعویٰ کر رہی ہیں، وہیں زمینی سطح پر یہ دعویٰ کھوکھلا دکھائی دے رہا ہے۔ ضلع پلوامہ کے ترچھ اور گنڈی باغ علاقے کے لوگ آج بھی پینے کے صاف پانی سے محروم ہیں، جب کہ مقامی لوگ کئی برسوں سے اس کی مانگ کررہے ہیں، تاہم ابھی تک اسے پورہ نہیں کیا گیا۔
اس ضمن میں ترچھ علاقہ کے لوگوں کا کہنا ہے کہ علاقہ کو گزشتہ کئی برسوں سے گندہ پانی سپلائی کیا جارہا ہے، جس کی وجہ سے مختلف بیماری لاحق ہونے کا خطرہ ہے۔ علاقے میں ایک واٹر سپلائی اسکیم 2020 تعمیر کی جارہی ہے جو ابھی تک مکمل نہیں ہوئی۔ وہیں ضلع پلوامہ کے گنڈی باغ علاقہ کے لوگوں نے بتایا کہ وہ اس مسئلہ کو متعدد بار متعلقہ حکام کے ساتھ اٹھا چکے ہیں لیکن آج تک یہ مسئلہ حل نہیں ہوا۔