اوڑی میں لوگوں کا محکمے بجلی کے خلاف احتجاج

Protest In Uri اوڑی کے ناملہ علاقہ کے لوگوں نے بجلی فیس میں اضافہ کے خلاف احتجاج کیا۔ احتجاجیوں نے ایل جی انتظامیہ سے اس معاملے میں مداخلت کی اپیل کی۔

بارہمولہ: جموں و کشمیر کے ضلع بارہمولہ کے سرحدی علاقے اوڑی کے ناملہ علاقے میں مقامی لوگوں نے آج محکمے بجلی کے خلاف احتجاج کیا۔ احتجاجیوں نے محکمہ کے خلاف جم کر نعرہ بازی کی۔

مقامی لوگوں کے مطابق بجلی کی ابتر صورتحال سے وہ پریشان حال ہوئے ہے، اس کے علاوہ محکمہ بجلی شیڈول کے مطابق نہیں بلکہ اپنی من مرضی کے تحت صارفین کو مہیا کی جاتی ہے۔

صارفین کے مطابق اگرچہ محکمہ نے پہلی ہی نان میٹر علاقوں میں بجلی شیڈول جاری کیا ہے، تاہم اس میں بھی آنکھ مچولی سے لوگ طرح طرح کے مشکلات سے دوچار ہورہے ہیں۔

مقامی لوگوں نے کہا کہ بجلی کی ابتر صورتحال کے باوجود محکمہ نے بجلی فیس 600 روپے سے بڑھا کر 1040 روپے کر دی ہے۔لوگوں کے مطابق علاقہ کے لوگ اتنا بجلی فیس ادا نہیں کر سکتے، کیونکہ علاقہ کی زیادہ تر آبادی خطہ افلاس سے نیچے زندگی بسر کر رہی ہے، اور ان کے لیے اتنا زیادہ بجلی فیس ادا کرنا مشکل ہوگا۔

ایک اور مقامی شہری نے بتایا اگر محکمہ بجلی کو لگتا ہے کہ ہم زیادہ بجلی استعمال کرتے ہیں تو علاقے میں بجلی میٹر نصب کریں اور بجلی 24 ویں گھنٹے فراہم کریں۔ مقامی لوگوں نے ایل جی انتظامیہ سے اس مسئلے کو طرف توجہ دینے کی اپیل کی ہے۔