گاندربل میں قومی روڈ سیفٹی ماہ کے اختتام پر بیداری پروگرام کا انعقاد

National Road Safety Month Conclude In ganderbal ضلع گاندربل میں قومی روڈ سیفٹی ماہ کے اختتام پر بیداری پروگرام کا انعقاد کیا گیا۔اس پروگرام میں مختلف اسکولوں کے طلبا و طالبات نے جوش و خروش کے ساتھ حصہ لیا۔بیداری مہم کے دوران لوگوں سے ٹریفک ضابطوں پر سختی سے عمل درآمد کرنے کی اپیل کی گئی

گاندربل:مرکز کے زیر انتظام یوٹی جموں و کشمیر کے ضلع گاندربل میں واقع بوائز ہائر سیکنڈری اسکول میں ایک بیداری پروگرام کے ساتھ قومی روڈ سیفٹی ماہ کا اختتام ہوا۔ جموں و کشمیر کے مرکزی علاقے کے دیگر حصوں کے علاوہ 15 جنوری 2024 کو قومی روڈ سیفٹی مہینہ شروع ہوا تھا۔روڈ سیفٹی ماہ کے دوران مختلف پروگرامز کے انعقاد کئے گئے تاکہ لوگوں کو ٹریفک ضابط کی اہمیت سے آگاہ کیا جاسکے۔

بیداری پروگرام میں ڈپٹی کمشنر گاندربل شیامبیر سنگھ، ایس ایس پی ٹریفک دیہی رویندر پال سنگھ اور اے آر ٹی او گاندربل کے علاوہ طلباء اور مقامی شہری اس بیداری پروگرام میں موجود تھے۔انہوں نے کہاکہ قومی روڈ سیفٹی ماہ ختم نہیں ہوا آج سے یہاں ایک نئی شروعات ہوئی ہے۔اس کے تحت عام لوگوں کو ٹریفک ضابط پر ہر حال میں عملدرآمد کرنا ہوگا۔

ڈپٹی کمشنر نے کہا کہ روڈ سیفٹی انتظامیہ کی اولین ترجیحات میں شامل ہے اور ضلع میں ٹریفک کی ہموار اور محفوظ روانی کے لیے موثر ٹریفک مینجمنٹ سسٹم کو یقینی بنانے کے لیے ٹھوس کوششیں کی جا رہی ہیں۔ ایس ایس پی ٹریفک دیہی آر پی سنگھ نے کہاکہ سڑک حادثات کو روکنا ہمارا کام ہے۔آپ کا کام ٹریفک ضابط پر عمل درآمد کرنا ہے۔

انہوں نے کہاکہ ڈرائیوروں کو بھی اپنی ذمہ داری سمجھنے کی ضرورت ہے۔ڈرائیوروں کے ساتھ ساتھ عام لوگوں کو بھی صورتحال پر نظر رکھنے کی ضرورت ہے۔اوور لوڈ گاڑیوں پر سواری سے گریز کریں ۔