کٹھوعہ کے ہیرا نگر علاقے میں عسکریت پسندوں کا حملہ، ایک عسکریت پسند ہلاک (Image Source: ETV Bharat)
کٹھوعہ: جموں و کشمیر کے کٹھوعہ کے ہیرا نگر علاقے میں مبینہ طور پر گاؤں والوں نے گولیوں کی آوازیں سنی ہیں۔ گاؤں والوں کی اطلاع پر پولیس موقع پر پہنچ گئی۔ جموں و کشمیر پولیس نے اپنے ایکس اکاؤنٹ پر یہ اطلاع دی ہے۔
معلومات کے مطابق سیکورٹی فورسز کے وہاں پہنچنے کے بعد دونوں طرف سے تصادم شروع ہو گیا اور عسکریت پسند ابھی تک فائرنگ کر رہے ہیں۔ مقامی لوگوں کے مطابق عسکریت پسندوں کی تعداد آٹھ بتائی جاتی ہے۔
مرکزی وزیر ڈاکٹر جتیندر سنگھ نے ایکس پر ٹوئت کرتے ہوئے لکھا کہ میں اس عسکریت پسند حملے کے بعد لگاتار ضلع ترقیاتی کمشنر کٹواہ اور ایس پی کے رابطے میں ہوں اور پولس آرمی نے عسکریت پسندوں کو ڈھونڈنے کے لئے تلاشی کاروائی شروع کی ہیں اور ایک عسکریت پسند کو ہلاک کردیا گیا ہے۔