کشمیر میں برف و باراں کی پیش گوئی

وادی کشمیر میں ابر آلود مطلع کے بیچ محکمہ موسمیات نے اگلے چوبیس گھنٹوں کے دوران برف و باراں کی پیش گوئی کی ہے۔

سرینگر (جموں کشمیر) :محکمہ موسمیات نے وادی کشمیر میں اگلے چوبیس گھنٹوں کے دوران وسیع پیمانے پر ہلکی سے درمیانہ درجے تک کی برفباری اور بارشوں کی پیش گوئی کی ہے۔ محکمہ کے ایک ترجمان نے بتایا کہ مغربی ہواWestern Disturbance کی ایک لہر کشمیر کی جانب بڑھ رہی ہے جس کے نتیجے میں اگلے چوبیس گھنٹوں کے دوران ہلکی سے درمیانہ درجے کے برف و باراں کا امکان ہے۔ انہوں نے مزید کہا کہ اس دوران کہیں کہیں گرج چمک کے ساتھ ہوائیں چلنے کا بھی امکان ہے۔ وادی کشمیر میں بدھ کو صبح سے ہی مطلع ابر آلود رہا۔

محکمہ موسمیات نے بعد ازاں وادی میں 15 سے 20 مارچ تک موسم مجموعی طور پر خشک رہنے کی توقع ظاہر ہے۔ ادھر، وادی میں شبانہ درجہ حرارت میں قدرے گراوٹ درج ہوئی ہے۔ گرمائی دارلحکومت سرینگر میں کم سے کم درجہ حرارت 5.4 ڈگری سینٹی گریڈ ریکارڈ کیا گیا ہے جہاں گزشتہ شب کا درجہ حرارت 5.9 ڈگری سینٹی گریڈ ریکارڈ ہوا تھا۔ سیاحتی مقام گلمرگ میں منفی1.2 ڈگری سینٹی گریڈ جبکہ پہلگام میں منفی0.5 ڈگری سینٹی گریڈ، سرحدی ضلع کپوارہ میں 4.5 ڈگری سینٹی گریڈ، جبکہ قاضی گنڈ میں کم سے کم درجہ حرارت 3.4 ڈگری سینٹی گریڈ ریکارڈ کیا گیا ہے۔