ترال میں بچوں کو مبینہ طور پر اغواء کرنے کی کوشش ناکام - KIDNAPPING ATTEMPT IN TRAL

Alleged Kidnapping Attempt In Tral ضلع پلوامہ کے ترال ٹاون میں اس وقت افراتفری مچ گئی جب چند نامعلوم افراد بچوں کو اغوا کرنے کی ناکام کوشش کی۔ اس واقعے کے بعد مقامی باشندوں بالخصوص خواتین نے احتجاج کیا اور قصورواروں کی جلد سے جلد گرفتاری کا مطالبہ کیا۔

ترال:جنوبی کشمیر کے ترال ٹاون میں آج شام اس وقت کشیدگی پھیل گئی جب مبینہ طور پر نامعلوم افراد نے راہ چلتے ہوے بچوں کو اغوا کرنے کی ناکام کوشش کی۔مقامی باشندوں میں دہشت کا ماحول ہے۔

اطلاعات کے مطابق کہلیل روڈ ترال میں واقع ایک مقامی درسگاہ سے نکلنے کے وقت بچوں کے مطابق ایک وین میں سوار کئی افراد نے انھیں بلایا اور مٹھائی وغیر لالچ دے کر ان کو نزدیک لایا اور بعد ازاں ان کو وین میں ہی بھرنے کی کوشش کی لیکن بچوں کے شور مچانے پر وہ ایسا نہیں کر پائے جس کے بعد مقامی لوگ جمع ہوگیے تاہم وین وہاں سے فرار ہونے میں کامیاب ہو گئ خبر پھیلتے ہی ترال پولیس کی ایک ٹیم نے علاقے کا دورہ کیا ۔

صورتحال کا جائزہ لیا اور وہاں مقامی لوگوں سے بات کی اس موقع پر وہاں موجود خواتین نے بتایا کہ پولیس کی جانب سے ان کو یقین دہانی تو کرائ گئی ہے تاہم وہ چاہتے ہیں کہ اس معاملے میں ملوث افراد کو جلد از جلد گرفتار کر کے سلاخوں کے پیچھے دھکیلا جائے۔

ایس ڈی پی او ترال سھیل احمد ریشی نے اس نمایبدت کو بتایا کہ خبر ملتے ہی پولیس نے جاے حادثہ کا دورہ کر کے صورتحال کا جائزہ لیا ہے اور انکی کوشش رہے گی کہ وہ اس حوالے سے قانونی ضابطے کے تحت کاروائی کریں گے تاکہ ایسے واقعات دوبارہ پیش نہ آئے۔